މިއަދު ދިމާވި އައްޑޫ ސިޓީގެ ކަރަންޓުގެ މައްސަލަ ހައްލުކުރަން ދެ ގަޑިއިރު ނަގާނެ ކަމަށް ފެނަކަ އިން ބުނެފިއެވެ.
ފެނަކަ އިން ބުނީ އައްޑޫގެ ފެނަކަ ކަސްޓަމާ ސާވިސް އޮފީހުގެ ގޯތި ތެރޭގައި އިން ސްވިޗު ގިޔާ އަށް ދިމާވި މައްސަލައަކާ ގުޅިގެން ބައެއް ހިސާބުތަކުން ކަރަންޓުގެ ހިދުމަތް މެދުކެނޑިފައިވާ ކަމަށެވެ.
މި މައްސަލަ ހައްލުކުރުމަށް މަސައްކަތް ކުރަމުންދާ ކަމަށާއި އެގޮތުން މިކަމަށް ދެ ގަޑިއިރެއްހާ އިރު ނަގާނެ ކަމަށް ލަފާ ކުރެވޭ ކަމަށް ފެނަކަ އިން ބުނެއެވެ.
Addu City ge Fenaka customer service ofeehuge goathithereygai in switch gear ah dhimaavi mahsala akaa gulhigen baeh hisaabuthakun vany karantu ge hidhumaiy medhukendifai.Mi massala hallukurumah masakaiy kuramundhaa vaahaka dhennevin. 2 gadi irehhaairu nagaanekamah lafaa kurevey.
— Fenaka Corporation Ltd (@TeamFenaka) September 26, 2020
މިއަދު ހެނދުނު 9:30 ގައި އައްޑޫގެ ބޮޑު ސަރަހައްދަކުން ކަރަންޓު ކެނޑުނުއިރު، ހަތަރު ގަޑިއިރަށް ފަހު ބައެއް ސަރަހައްދުތަކަށް މިހާރު ވަނީ ކަރަންޓުގެ ހިދުމަތް އަލުން ލިބިފައެވެ.
އައްޑޫގެ ކަރަންޓުގެ ހާލަތު ރަނގަޅު ކުރުމަށް ފެނަކަ އިން މަސައްކަތް ކުރަމުން އަންނައިރު، ދޭތެރެ ދޭތެރެ އިން ކަރަންޓު ކެނޑުމުގެ މައްސަލަ ވަނީ ބޮޑުވެފަ އެވެ.