ކުރިއަށް އޮތް ރައްޔިތުންގެ މަޖިލީގުހެ އިންތިހާބުގައި ތ. ގުރައިދޫ ދާއިރާއަށް ޕީޕީއެމްގެ ފަރާތުން ވާދަކުރައްވާނެކަން އިއުލާނު ކުރައްވާފައިވާ މުހައްމަދު ގައްސާން މައުމޫނާ ދެކޮޅަށް ކެންޑިޑޭޓަކު ނެރެ، އެ ކެންޑިޑޭޓަށް ތާއީދު ކުރައްވާކަން ޣައްސާނުގެ ބައްޕާފުޅު އަދި ކުރީގެ ރައީސް މައުމޫނު އިއުލާން ކުރައްވައިފި އެވެ.
ރައީސް މައުމޫން މިކަން އިއުލާން ކުރެއްވީ އެމަނިކުފާން ކުރައްވާފައިވާ ޓްވީޓެއްގައެވެ. އެޓުވީޓްގައި ގުރައިދޫ ދާއިރާއަށް އެމަނިކުފާނުގެ ސަޕޯޓާއެކު މިހާރު ނިކުންނަވާ މުހައްމަދު އިބްރާހިމް މަނިކު (މޮހޮދޭ) ގެ ޓްވީޓެއް ޓެގްކުރައްވައި، މޮހޮދޭއަށް މަރުހަބާ ދަންނަވައި ކާމިޔާބަށް އެދިވަޑައިގަންނަވާކަމުގައިވެސް ރައީސް މައުމޫނު ވަނީ ވިދާޅުވެފައެވެ.