ޓްރީ ޓޮޕް ހޮސްޕިޓަލުން ދޭ ފަރުވާ ރާއްޖޭގެ ހުރިހާ ކަންކޮޅުތަކަކަށް ފޯރުކޮށްދިނުމުގެ މަގުސަދުގައި ކުރިއަށްގެންދާ ހެލްތު ކޭމްޕުތަކުގެ ތެރެއިން މި އަހަރުގެ ފުރަތަމަ ކޭމްޕު ތ. ވޭމަންޑޫގައި ބޭއްވުމަށް ނިންމައިފިއެވެ. މި ކޭމްޕް ބޭއްވުމަށް ހަމަޖެހިފައިވަނީ ފެބްރުއަރީ މަހުގެ ހަތްވަނަ ދުވަހުން އަށްވަނަ ދުވަހުގެ ނިޔަލަށެވެ. ޓްރީޓޮޕުން ބުނީ މި ކޭމްޕުގައި ހަތް ސްޕެޝަލިސްޓު ޑޮކްޓަރުން ބައިވެރިވެ ވަޑައިގަންނަވާނެ ކަމަށެވެ. އޭގެ ތެރޭގައި: ކަށީގެ ބަލިތަކަށް ޚާއްސަ ޑރ. އަލީ މުޒްނީ އާއި ޑރ. މުހައްމަދު ހަބީބް ފުއްޕާމޭގެ ބަލިތަކަށް ޚާއްސަ ޑރ. ތެހްޒީބް ފާރުޤީ ހަމުގެ ބަލިތަކަށް ޚާއްސަ ޑރ. އަނޫ އަގްރަވާލް ކަރުން މަތީގެ ބަލިތަކަށް ޚާއްސަ ޑރ. ރާޖޭޝް ވާލަންދް ކުޑަކަމުދާ ނިޒާމުގެ ބަލިތަކަށް ޚާއްސަ ޑރ. މެހްމެޓް އޮޑާ ރާއްޖެ ބަލީގެ ޚާއްސަ ޑރ. ޖިވާން ޕައުޑެލް މި ކޭމްޕު ބާއްވަނީ ކޮޅުމަޑުލު ކައުންސިލް އަދި ތ. އަތޮޅު ހޮސްޕިޓަލާ ގުޅިގެން ކަމަށް ތްރީޓޮޕުން ބުނެއެވެ. މިދިޔަ އަހަރު މިފަދަ ކޭމްޕުތައް ގއ. ވިލިނގިލި، ގދ. ތިނަދޫ އަދި ލ. ގަމުގައި ބޭއްވުނުއިރު، 1،000 އަށްވުރެ ގިނަ މީހުން ޑޮކްޓަރަށް ދައްކައި ސްކްރީން ކުރެވިފައިވެއެވެ. ހެލްތު ކޭމްޕުތަކުގައި ޑޮކްޓަރަށް ދެއްކުމުގެ އިތުރުން އެކި ބާވަތުގެ ސްކްރީނިން އަދި ހޭލުންތެރިކަމުގެ ސެޝަންތައް ކުރިޔަށް ގެންދެއެވެ. މިއީ މުޖުތަމައުގައި ސިއްޙީ ހޭލުންތެރިކަމާއި ދުޅަހެޔޮ ދިރިއުޅުން ޕްރޮމޯޓު ކުރުމަށް ކުރެވޭ މުހިންމު މަސައްކަތެކެވެ. ޓްރީ ޓޮޕް ހޮސްޕިޓަލުން މައުލޫމާތު ދޭ ގޮތުގައި ކުރިޔަށް އޮތް ތަނުގައި ވެސް އިތުރު ހެލްތު ކޭމްޕުތައް ރާއްޖޭގެ އެކި ކަންކޮޅުތަކުގައި ބޭއްވުމަށް ދަނީ ރާވެމުންނެވެ. އަދި މި ކޭމްޕުތަކުގެ ބޭނުމަކީ ވީހާ ވެސް ގިނަ ބަޔަކަށް ސިއްޙީ ޚިދުމަތާއި ހޭލުންތެރިކަމުގެ މަޢުލޫމާތު ފޯރުކޮށްދިނުން ކަމަށް އެ ހޮސްޕިޓަލުން ބުނެއެވެ. ޓްރީ ޓޮޕް ހޮސްޕިޓަލަކީ ރާއްޖޭގެ ސިއްޙީ ޚިދުމަތުގެ ދާއިރާގައި އިސް ދައުރެއް އަދާކުރަމުން އަންނަ ހޮސްޕިޓަލެކެވެ. އެ ހޮސްޕިޓަލުގެ މައިގަނޑު އަމާޒަކީ އައު އުސޫލުތަކާއި ޚިދުމަތްތައް ތަޢާރަފުކޮށް، ދިވެހި ރައްޔިތުން ބޭރު ގައުމުތަކަށް ސިއްޙީ ފަރުވާ ހޯދަން ދާންޖެހޭ ސަބަބު މަދުކުރުމާއި، ސިއްޙީ ޚިދުމަތުގެ ޚަރަދުތައް ކުޑަކުރުމެވެ. އަދި އެންމެ ޒަމާނީ ޓެކްނޮލޮޖީއާއި ފުރިހަމަ ލެބޯޓަރީ ޚިދުމަތްތަކާއެކު، ތަޖުރިބާކާރު ސްޕެޝަލިސްޓުންނާއި ޚާއްސަވެފައިވާ ޑޮކްޓަރުންގެ އަމާޒަކީ ދިވެހިރާއްޖޭގެ ރައްޔިތުންނަށް ގިނަގުނަ ސިއްހީ ޚިދުމަތްތަކެއް ފޯރުކޮށްދިނުން ކަމަށް ވެސް ބުންޏެވެ. ޓްރީޓޮޕުން ހިންގާ ކޭމްޕާގުޅޭ އިތުރު މައުލޫމާތު ހޯއްދުމަށް 3351630 އަށް ގުޅުއްވުމަށް ނުވަތަ އީމެއިލް ކުރެއްވުމަށް އެ ހޮސްޕިޓަލުން އެދެއެވެ.