އަންނަ ސެޕްޓެމްބަރު މަހު ވިލާ ކޮލެޖުން ފަށާ އާ ދެ ޑިގްރީ ޕްރޮގްރާމު، ޕޮލިޓިކަލް ސައިންސް އަދި ކުއަންޓިޓީ ސާވޭ ޕްރޮގްރާމު އިފްތިތާހު ކުރުމަށް ނުކިޔަވާ ހުރި، އަދި އެސްޓީއޯއިން ވައްކަން ކޮށްގެން އަރުވާލާފައި ހުރި އަދުރޭ ގެންގޮސް ބޮޑު ހަފުލާއެއް ބާއްވައި، ގޭގައި އެ ހަފްލާ ބަލަން ތިބެގެން ގާސިމް އާއި ޖޭޕީގެ ބައެއް މީހުން އަދުރޭއަށް ޖޯކު ޖަހައި މަލާމަތް ކޮށް ހީފި ކަމަށް، ކުނޫޒުގެ ތެރެއިން ދިޔަވަރު އަށް މައުލޫމާތު ލިބިއްޖެއެވެ.
އަދުރޭއަށް މި ހަފްލާއަށް ވިލާ ކޮލަޖުން ދައުވަތު އަރުވާފައިވަނީ، ޤާސިމް އިބްރާހިމް އެވެ. ޤާސިމް އިބްރާހިމް ހުންނެވީ ނާޒިމް އާއި ބައިއަތު ހިފައިގެން 2028 ރިޔާސީ އިންތިހާބު ނާޒިމް (މަޖިލިސް ނާއިބް ރައީސް) އަށް ހޯދައި ދިނުމަށް ނިންމައިގެންނެވެ.
އަދުރޭ ތައުލީމު އާ ޕްރޮގްރާމް ތަކެއް ފަށާ ހަފްލާއަކަށް ދައުވަތު ދީ، ގެންގޮސްފައި ވަނީ ސީދާ ގަސްތުގައި އަދުރޭއަށް ރައްޔިތުންގެ ކުރި މަތީ، މަލާމާތާއި ފުރައްސާރަ ރައްދު ކުރުމަށެވެ.
އެއްވެސް ތައުލީމެއް، އިލްމެއް ނެތް، އަނގަ ހުތުރު، ރަތްލާޖެހި ވަގެއް ކަމަށް ރައްޔިތުން ޤަބޫލު ކުރާ މީހަކު، ފުށްޖަހާފައި ތައުލީމީ ޕްރޮގްރާމެއް ފެށުން ޝަރަފުވެރި ކުރުވުމަށް ގެނައުން ފިޔަވާ ބޮޑު ޖޯކެއް އޮންނާނެ ތޯއެވެ.
އަބްދުއް ރަހީމަށް މި ޖެހުނު ލައްގަނޑު އެތައް ދުވަހެއް ވެގެން ދާއިރު، ބޮޑު މަލާމާތެއް ގޮތުގައި އޮންނަ އިރު، މި ފަދަ ނުކިޔަވާ ތިބި، ނާގާބިލު އަދި ވައްކަން ސާބިތުވެފައިވާ ފަރާތްތައް މަޖިލީހުގެ ރައީސް ކަން ފަދަ މަގާމުތަކުގައި ތިބުމަކީ، އިލްމު އުނގެނުމާއި، ހޯދުމަށް ދަރިވަރުންނަށް ލިބޭ ވަރަށް ބޮޑު މާޔޫސް ކަމެކެވެ.
އަބްދުއް ރަހީމް ތައުލީމަށް ދޭ އަހައްމިއްޔަތުކަން އޭނާގެ ބާރުން ޓުއަރިޒަމް މިނިސްޓަރުކަން ލިބިފައިވާ އޭނާގެ ދަރިފުޅުގެ ތައުލީމީ ފެންވަރުން ސާފުވެގެން ދެއެވެ.
ގާސިމް އިބްރާހިމް ހީ މަލާމާތް ކުރުމަށް ކުރި ކަމެއް ކަމުގައި ވީނަމަވެސް، ރާއްޖޭގެ އާންމު އިޖުތިމާއީ ފޭރާން ވީދޭހެން، އިލްމެއް ނެތް މީހުން ތައުލީމީ ކޯސްތައް އިފްތިތާހު ކުރުންފަދަ ކަންކަން ކުރުވުމަކީ ޖާހިލިއްޔަ ޒަމާނުގައިވެސް މުޝްރިކުންވެސް އެކަންކަމުން ބަރީޢަ ވެގެން ތިބި ހުތުރުކަން ބޮޑު ކަންކަމެވެ. އަދި މިކަން ހިނގުމުންވެސް މިއީ އާންމު ކަމެއް ކަމަށް ހެދުމަށް އެއަށް ނޫސްތަކުން ޚަބަރު ހަދައި އެކަމަށް އިޚްތިރާމް އިތުރު ކުރުމަށް ކުރާ މަސައްކަތަކީ މުޖުތަމަޢު އެއް ހަލާކު ކޮށްލުމަށް ޖަހާ ނުބައި ދަންތުރައެކެވެ.