އެއްބަސްވުމާއި އެއްގޮތަށް މަސައްކަތްތައް ކުރިއަށް ނުގެންދާތީ، މާލޭގެ މަގުމަތީގައި އުޅޭ ބުޅާތައް ބަލަހައްޓާނެ ތަނެއްގެ ގޮތުގައި ހުޅުމާލޭގައި ތަރައްގީކޮށްފައިވާ "އޮޅުހިޔާ"ގެ ހިންގުން އެގްރިކަލްޗަރ އެންޑް އެނިމަލް ވެލްފެއާ މިނިސްޓްރީއާ ހަވާލުކުރުމަށް މާލެ ސިޓީ ކައުންސިލަށް އަންގައިފިއެވެ.
އަދި އެސްއޯޕީތަކަށް އަމަލުނުކޮށް، އެ ފެސިލިޓީއަށް ބުޅާތައް މިވަގުތު ގެންދަން ފަށައިފިނަމަ ބުޅާތަކުގެ ޞިއްޙަތަށާއި ދުޅަހެޔޮކަމަށް ނުރަނގަޅު އަސަރުކުރުން އެކަށީގެންވާކަމަށް ވެސް ބުނެފައިވެއެވެ.
ބުޅާ ފެސިލިޓީގައި ހުރިހާ ގަޑިއެއްގައިވެސް ވެޓް ޑޮކްޓަރުން ތިބޭނެކަމަށާއި މާލެ ސަރަހައްދުގެ މަގުމަތީގައި އުޅޭ ބުޅާތައް ޖަމިއްޔާތަކާ ގުޅިގެން ނަގައި އެ ޝެލްޓާއަށް ގެންދެވި އެތަނުން ހިމާޔަތްދެވިގެންދާނެ ކަމަށް މިނިސްޓްރީން މީގެ ކުރިން ބުނެފައިވެއެވެ.