ހުޅުމާލޭގައި މީހުން ދިރިއުޅުމަށް އަޅާ ބްލޫ ލެގޫން ލަގްޒަރީ ރެޒިޑެންސްއިން ރަސްމީކޮށް ބިންގާ އަޅައި، އެ މަޝްރޫއުގެ އައު ހަރުފަތެއް ފެށުން ފާހަގަކޮށްފިއެވެ. ބްލޫ ލެގޫން ލަގްޒަރީ ރެޒިޑެންސް އަޅަން، މިދިޔަ ޑިސެންބަރު މަހު ކޮނުމުގެ މަސައްކަތް ފަށައި، މިހާރު ވެސް އެ ސަރަހައްދުގައި އަންނަނީ މަސައްކަތްތައް ކުރިއަށްގެންދަމުންނެވެ. މިއަދު އެ އިމާރާތްތަކުގެ ބިންގާ އެޅުމަށް ބޭއްވި ކުލަގަދަ ރަސްމިއްޔާތުގައި އެޕާޓްމެންޓުތައް ގަންނަން ބުކް ކޮށްފައިވާ މީހުންނާއި، އެކަމަށް ޝައުގު އޮތް މީހުން ވެސް ބައިވެރިވެފައިވެއެވެ. އެ ހަފުލާގައި ވަނީ ބްލޫ ލެގޫންގެ ޚާއްސަ، ކޮމިއުނިޓީ ޑިވެލޮޕްމެންޓް ޕްރޮގްރާމް ވެސް ތައާރަފުކޮށްފައެވެ. އެއީ ބްލޫ ލެގޫންގައި ދިރިއުޅޭ ފަރާތްތަކަށް، އެ ޓަވަރުގައި ދިރިއުޅޭ އަވަށްޓެރިންނާއި މުޖުތަމައު ބިނާކުރުމަށް ލިބޭ ވަރަށް ތަފާތު ފުރުސަތެކެވެ. އަދި މިގޮތުގެ މަތިން ބްލޫ ލެގޫންއިން ބުކްކޮށްފައިވާ އެއްވެސް ބޭފުޅެއް، އެހެން ބޭފުޅެއްގެ ބުކިން ރިފާކޮށްފި ނަމަ ރިފާކުރި ފަރާތުގެ އެޕާޓްމެންޓަށް އެއް ޕަސެންޓުގެ ޑިސްކައުންޓެއް ލިބޭނެއެވެ. މިއީ މިފަދަ ޕްރޮގްރާމެއް ރެޒިޑެންސްއަކުން އޮފާ ކުރާ ފުރަތަމަ ފަހަރުވެސްމެއެވެ. ވީސީއައިއެލްއިން ތަރައްގީކުރާ ބްލޫ ލެގޫން ޕްރޮޖެކްޓަކީ ޕާލްއާއި ކޮރަލްގެ ނަމުގައި ދެ ޓަވަރާއި ބްލޫ ލެގޫން ކޮމާޝަލް އާކޭޑް ވެސް ހިމެނޭ ގޮތަށް، ހުޅުމާލޭ ދެވަނަ ފިޔަވަހީގައި ބިނާކުރަމުން އަންނަ މަޝްރޫއެކެވެ. ބްލޫ ލެގޫން ކޮމާޝަލް އާކޭޑްއަކީ ރާއްޖޭގެ ފުރަތަމަ އޯޕެން ކޮންސެޕްޓް މޯލް ކަމަށް ވާނެއެވެ. ބްލޫ ލެގޫންގެ ދެ ޓަވަރުގައި މުޅި އެއްކޮށް 250 ޕްރީމިއަމް އެޕާޓްމެންޓް ހުންނައިރު، މިހާރު ވަނީ ދެ ޓަވަރުގެ ބައެއް ފަންގިފިލާތަކުން ބުކިންއަށް ފުރުސަތު ހުޅުވާލައިފައެވެ. ބްލޫ ލެގޫން ލަގްޒަރީ ރެޒިޑެންސްގެ ބިންގާ އެޅުން -- ފޮޓޯ/ ބްލޫ ލެގޫން ލަގްޒަރީ ރެޒިޑެންސް ޕާލް ޓަވަރުގެ 10 ވަނަ ފަންގިފިލާއާ ހަމައަށް ބުކިން ހެދުމުގެ ފުރުސަތު ހުޅުވާލީ މި މަހު ކަމަށްވާއިރު، ވަރަށް ބޮޑު ތަރުހީބެއް ވަނީ ލިބިފައެވެ. އެ ޓަވަރުގެ މަތީ އިތުރު ފަސް ފަންގިފިލާގެ އެޕާޓްމެންޓްތައް ބުކް ކުރުމުގެ ފުރުސަތު މި އަހަރު ހުޅުވާލަން ތައްޔާރުވަމުން އަންނައިރު، ފާހަގަކޮށްލެވޭ ކަމަކީ، މިއީ މި ސަރަހައްދުގައި މިހާރު ސީދާ 'މެރީނާ' ވިއު ފެންނާނެ ހަމައެކަނި ލަގްޒަރީ ރެޒިޑެންސްއަށް ވާނެ ކަމެވެ. މީގެ އިތުރުން، ކޮރަލް ޓަވަރުގެ ތިން ޕްރިމިއަމް ފަންގިފިލާ ކަމަށްވާ 13، 14 އަދި 15 ވަނަ ފަންގިފިލާއަށް ވެސް ބުކިން ހެއްދުމަށް ހުޅުވާލައިފައިވާއިރު، އެއީ ރީތި މަންޒަރުތައް ފެންނަން ހުންނާނެ، ހިތްގައިމު އެޕާޓްމެންޓުތަކެކެވެ. ބްލޫ ލެގޫންގެ ޕާލް ޓަވަރުގެ އެޕާޓްމެންޓުތަކަށް ޝައުގު ހުރި ފަރާތްތަކަށް، ފުރަތަމަ ބުކް ކުރާ 50 ޔުނިޓަށް ޚާއްސަ އަގުތަކެއް ވަނީ ކަނޑައަޅައިފައެވެ. އެ އެޕާޓްމެންޓުތައް ބުކްކުރަން ހުޅުވާލި ފުރަތަމަ ދެ ހަފުތާ ތެރޭގައި އެކަނިވެސް، ޕާލް ޓަވަރު ޔުނިޓުތަކުގެ 25 ޕަސެންޓު ވަނީ ވިކިފައެވެ. އެ އެޕާޓްމެންޓުތައް ގަންނަން ބޭނުންވާ ފަރާތްތަކުން ބްލޫ ލެގޫން ސޭލްސް އޮފީހަށް ޒިޔާރަތްކޮށް، ވީހާވެސް އަވަހަށް ހެޔޮ އަގުގައި ބުކް ކުރުމުގެ ފުރުސަތު އަދިވެސް އެބައޮތެވެ. ބްލޫ ލެގޫން ލަގްޒަރީ ރެޒިޑެންސްގެ ބިންގާ އެޅުން: -- ފޮޓޯ/ ބްލޫ ލެގޫން ލަގްޒަރީ ރެޒިޑެންސް ބްލޫ ލެގޫން ޔުނިޓުތަކުގެ އަގުތައް: 2 ބީއެޗްކޭ (1035 އަކަފޫޓު) – ފެށޭ އަގަކީ 4.25 މިލިއަން ރުފިޔާ 2 ބީއެޗްކޭ ލަގްޒަރީ (1280 އަކަ ފޫޓު) – ފެށޭ އަގަކީ 4.42 މިލިއަން ރުފިޔާ 2+1 ބީއެޗްކޭ (1340 އަކަފޫޓު) – ފެށޭ އަގަކީ 5.35 މިލިއަން ރުފިޔާ 3 ބީއެޗްކޭ (1795 – 1875 އަކަފޫޓު) – ފެށޭ އަގަކީ 7.17 މިލިއަން ރުފިޔާ އެ އެޕާޓްމެންޓުތައް ބުކް ކުރުމުގެ ކުރިން، އެޕާޓްމެންޓު ހުންނާނެ ގޮތް ތަޖުރިބާ ކުރުމަށް، ވާޗުއަލް ރިއާލިޓީ ޓުއާގެ ޚިދުމަތް ވެސް ވަނީ ސޭލްސް އޮފީހަށް ޒިޔާރަތްކޮށް ބަލައިލެވޭ ގޮތަށެވެ. އެގޮތުން އެ ޓުއާއިން އެޕާޓްމެންޓުގެ ލޭއައުޓާއި ފިނިޝިން ހުންނާނެ ގޮތް ފެންނާނެއެވެ. މީގެ އިތުރުން ބްލޫ ލެގޫން ވަނީ ބޭންކް އޮފް މޯލްޑިވްސްގެ ހޯމް ޔޫޒާ ފައިނޭންސިން / ހޯމް ޕާޗޭސިން ލޯނުގައި ރެޖިސްޓާކޮށްފައެވެ. މި މަޝްރޫޢުގެ ދަށުން ރެޒިޑެންޓުންނަށް ފޯރުކޮށްދޭ ޚިދުމަތްތަކުގެ ތެރޭގައި ކްލަބް ހައުސްއާއި ރާއްޖޭގައި ހުންނާނެ އެންމެ ބޮޑު "ޓެރަސް ގާޑަން" ހިމެނެއެވެ. ޖުމްލަ 35،000 އަކަފޫޓަށް ވުރެ ބޮޑު ސަރަޙައްދެއް ޚިދުމަތްތަކަށް ޚާއްޞަކޮށްފައި ވާއިރު، މީގެ ތެރޭގައި 24،000 އަކަފޫޓުގެ ޓެރަސް ގާޑެން ހިމެނެއެވެ. އެއީ، ދެ ޓަވަރުގެ 18 ވަނަ ފަންގިފިލާއިން ގުޅުވާލައިފައިވާ، ބޮޑު ސްވިމިން ޕޫލަކާއި ޖޮގިން ޓްރެކަކާއި ހިތްހަމަޖައްސާލަން އިށީނދެގެން ތިބޭނެ ތަންތަން ވެސް ހަދައިފައިވާ ޖާގަ ތަނަވަސް ޓެރަހަކަށް ވާނެއެވެ. ހަމައެއާއެކު 16،500 އަކަފޫޓުގެ "ގްރޭންޑް ކްލަބް ހައުސް" ފަރުމާކޮށްފައި ވަނީ އާއިލީ ގުޅުން ބަދަހިކުރުމަށާއި ލުއިފަސޭހަ ދިރިއުޅުމަކަށް ބޭނުންވާނެ ގިނަ ވަސީލަތްތަކާ އެކުގައެވެ. މީގެ ތެރޭގައި ޖިމް، މަލްޓިޕާޕަސް ހޯލް، ޕްރައިވެޓް ތިއޭޓަރު، ކުޑަކުދިން ކުޅޭ ތަނަކާއި، ޑޭކެއާ އަދި މީޓިން ރޫމްތައް ވެސް ހިމެނެއެވެ.