އިލެކްޝަންސް ކޮމިޝަނުން ރައްޔިތުންގެ މަޖިލީހުގެ ގޮނޑި ގެއްލިފައިވާކަމަށް ކަނޑައަޅާފައިވާ މެމްބަރުންގެ ތެރެއިން ސުޕްރީމްކޯޓަށް މައްސަލަ ހުށަހެޅުއްވި 4 މެމްބަރުންގެ ގޮނޑި ގެއްލިފައިވާކަމަށް ސުޕްރީމްކޯޓުގެ ފަނޑިޔާރުންގެ އިއްތިފާޤުން ނިންމަވައިފިއެވެ. 
މަޖިލީހުގެ ގޮނޑި ގެއްލިފައިވާކަމަށް ސުޕްރީމް ކޯޓުން ކަނޑައެޅި 4 މެމްބަރުންނަކީ ތުލުސްދޫ ދާއިރާގެ މެމްބަރު މުހައްމަދު ވަޙީދު އިބްރާހިމް، ވިލިނގިލި ދާއިރާގެ މެމްބަރު ސައުދު ހުސެއިން، މަޑުއްވަރީ ދާއިރާގެ މެމްބަރު މުޙައްމަދު އަމީތު، ދިއްދޫ ދާއިރާގެ މެމްބަރު އަބްދުއްލަތީފް މުހައްމަދުއެވެ. 
ސުޕްރީމް ކޯޓުގެ ޙުކުމްގައިވަނީ ކޯޓަށް މައްސަލަ ހުށަހެޅުއްވި 4 މެމްބަރުންގެ ގޮނޑިއާ މެދު ސުޕްރީމް ކޯޓުން ނިންމަވަންޖެހޭ އިތުރު ނިންމެވުމެއް ނެތްކަމަށެވެ.