ސިނގިރޭޓު އެތެރެކޮށް އެ ވިޔަފާރިކުރަނީ އެމަނިކުފާނާ ސިޔާސީ ގޮތުން ދެކޮޅު މީހުން ކަމަށް ވިދާޅުވެ، ސިނގިރޭޓު ވިއްކުން ހުއްޓާލައި "އެހެން ކަމަކާ އުޅުމަށް" ރައީސް ޑރ. މުހައްމަދު މުއިއްޒު މިއަދު ގޮވާލައްވައިފި އެވެ.ދުންފަތާ ދެކޮޅަށް ކުރާ މަސައްކަތުގެ ތެރެއިން މި ސަރުކާރުން ވަނީ ސިނގިރޭޓުން ނަގާ ޑިއުޓީ ދެގުނަކޮށް، ވޭޕް ބޭނުންކުރުން އެއްކޮށް މަނާކޮށްފަ އެވެ."ރައްޔިތުންނާ އެކު" ޕޮޑްކާސްޓްގައި ވާހަކަދައްކަވަމުން ރައީސް ވަނީ ސިނގިރޭޓު ބުއިމާއި އެކި ކަހަލަ ދުންފަތުގެ އިސްތިއުމާލު ކުރުމުން ދުރުވާން އެންމެހައި ފަރާތްތަކަށް ބާރުއަޅުއްވާފައެވެ. އެގޮތުން ދުންފަތުގެ ބާވަތްތަކުގެ އަގު ބޮޑު ކުރުމުގެ މައިގަނޑު މަފްހޫމަކީ އެކަމުން ރައްޔިތުން ސަލާމަތް ކުރުން ކަމަށާއި އެކަމަކީ ޓެކްސް ބޮޑުކޮށްގެން ވާނެ ކަމެއް ނޫންކަން އެ މަނިކުފާނު ފާހަގަކުރެއްވިއެވެ. އަދި އެހެން އެކަން ކޮށްފިނަމަ އެއީ ސިނގިރޭޓު އެތެރެކުރާ މީހުންނަށް އެއިން ބޮޑުވާބައި ހަމަޖައްސައިގެން، ވިއްކަމުންދާން ލިބޭނެ ފުރުސަތެއްގެ ގޮތުގައި އެ މަނިކުފާނު ފާހަގަކުރެއްވިއެވެ."އަޅުގަނޑު އެދެން ސިނގިރޭޓު އެތެރެކޮށް ސިނގިރޭޓު ވިޔަފާރިކުރާ މީހުންނަށް އެ ވިޔަފާރި ދޫކޮށްލަން. އެހެން ކަމަކައިގެން އުޅެން. މިއީކީ ކުރާވަރުގެ ކަމެއް ނޫނޭ. މިއީ ކުޑަކުޑަ ގައުމެއް. މިއީކީ މިލިއަނުން މިލިއަނުން މީހުން އުޅޭ ތަނެއް ނޫން. ކީއްކުރަން މިތާނގައި އެކަން ކުރަންވީކީއެއް. އަޅުގަނޑުމެން ކުޑަ މުޖުތަމައު ސަލާމަތްކުރިއްޔާ މާ ރަނގަޅެއްނު މިކަމުން،" އެމަނިކުފާނު ވިދާޅުވި އެވެ.ދުންފަތުގެ އިސްތިއުމާލު ކުރުމުން ޒުވާން ޖީލު ސަލާމަތް ކުރުމަށް "ޖެނެރޭޝަން ބޭން" އެއް ގެންނާނެ ކަމަށް ރައީސް މުއިއްޒު ވަނީ މީގެ ކުރިން ހާމަކުރައްވައިފަ އެވެ. އަދި ކަމާ ގުޅުންހުރި ފަރާތްތަކާ މަޝްވަރާކޮށް ގާނޫނަށް ބަދަލު ގެނެސް އެކަން ކުރައްވާނެ ކަމަށް އެމަނިކުފާނު ވިދާޅުވި އެވެ.ދުންފަތުގެ ބާވަތްތަކުގެ އަގު ބޮޑު ކުރުމުގެ މައިގަނޑު މަފްހޫމަކީ އެކަމުން ރައްޔިތުން ސަލާމަތް ކުރުން ކަމަށާއި އެކަމަކީ ފަހަރަކު ތަންކޮޅެއް ޓެކްސް ބޮޑުކޮށްގެން ވާނެ ކަމެއް ނޫން ކަމަށް ރައީސް މުއިއްޒު ވިދާޅުވި އެވެ.އެހެން އެކަން ކޮށްފިނަމަ އެއީ ސިނގިރޭޓު އެތެރެކުރާ މީހުންނަށް އެއިން ބޮޑުވާބައި ހަމަޖައްސައިގެން، ވިއްކަމުންދާން ލިބޭނެ ފުރުސަތެއްގެ ގޮތުގައި ރައީސް ފާހަގަކުރެއްވި އެވެ.މިއާއެކު ރައީސް ވަނީ ސިނގިރޭޓު އެތެރެކޮށް އޭގެ ވިޔަފާރި ކުރާ ފަރާތްތަކުން އެ ވިޔަފާރި ދޫކޮށްލަން އެދިވަޑައިގެންފަ އެވެ.ދުންފަތުގެ މައްސަލަ ދާއިމީ ގޮތެއްގައި ހައްލުކުރަން ހަތަރު އަހަރުގެ ޕްލޭނެއް ހަދަން ސަރުކާރުން މިދިޔަ އަހަރު ނިންމި އެވެ. އެ ޕްލޭން އަދި އިއުލާނެއް ނުކުރެ އެވެ.