ތިލަމާލެ ބުރިޖުގެ މަސައްކަތުގައި މުހިންމު ކާމިޔާބެއް؛ އެންމެ އުުސް ބައި ބަހައްޓައިފި

މާލެ އިން ފެށިގެން ތިލަފުއްޓާ ހަމައަށް ގުޅާލާ ތިލަމާލެ ބްރިޖުގެ މަޝްރޫއުގެ ކޮންކްޓްރީޓް ތަބުތަކުގެ އެންމެ އުސްބައި ބުރިޖުގެ މައި ސްޓްރަކްޗާގައި ބަހައްޓައިފި އެވެ. 
ވީ ކިހިނެއް؟ - އިންޑިއާގެ އެފްކޮންސްއިން ކުރިއަށް ގެންދާ މި މަޝްރޫއާ ގުޅޭ ގޮތުން ރާއްޖޭގައި ހުންނަ އެ ގައުމުގެ ހައިކޮމިޝަނުންގެ އެކްސް އެކައުންޓުގައި މިއަދު ވަނީ އެންމެ ފަހުގެ ފޮޓޯތައް އާންމުކޮށްފަ އެވެ.
ބުނީ ކީކޭ؟ - އެ ޕޯސްޓުގައި ބުނި ގޮތުގައި:
މިއަދު ގުޅުވާލި ބުރިޖުގެ ތަނބުގެ ބަޔަކީ، ދުނިޔޭގެ އެންމެ ދިގު ޕްރީކާސްޓް ނެވިގޭޝަން ސްޕަން ސެގްމަންޓް
ދިގުމިނުގައި 8.23 މީޓަރު، ފުޅާ މިނުގައި 25.37 މީޓަރު ހުންނަ މި ސެގްމަންޓުގެ ބަރުދަނުގައި 216.04 މެޓްރިކް ޓަނު
މި ބައި މިއަދު ގުޅުވާލުން ނިމުމާ ގުޅިގެން ހައިކޮމިޝަނުން ބުނީ މިއީ ބްރިޖްގެ މަސައްކަތުގައި ހާސިލްކުރެވުނު ވަރަށް ހާއްސަ ކާމިޔާބެއް ކަމަށެވެ. 
އަގު: 500 މިލިއަން ޑޮލަރު (6.2 ބިލިއަން ރުފިޔާ)
100 މިލިއަން ޑޮލަރު (1.55 ބިލިއަން ރުފިޔާ) އަކީ އިންޑިއާގެ ހިލޭ އެހީ
ބްރިޖުގެ މަސައްކަތުގައި ތުރުކީ، ޖަރުމަން އަދި އޮސްޓްރޭލިޔާގެ މާހިރުން ވެސް ބައިވެރިވޭ
މަޝްރޫއުއަށް ލޯނު ދިނީ އިންޑިއާގެ އެގްޒިމް ބޭންކުން
ބްރިޖުގެ %40 ނިމިފައިވާކަމަށް ކޮންސްޓްރަކްޝަން މިނިސްޓްރީން މިދިޔަ އަހަރު މެދު ތެރޭ ބުނެފައިވެ އެވެ.
އަރުޝީފަށް ނެގީ
އެންމެފަހުން އަޕްޑޭޓްކުރީ