ރާއްޖޭގެ ގައުމީ ޔުނިވަސިޓީ (އެމްއެންޔޫ)ގެ ފެކަލްޓީ އޮފް ހޮސްޕިޓަލިޓީ އެންޑް ޓޫރިޒަމް ސްޓަޑީޒް (އެފްއެޗުޓީއެސް) އާއި ށ. ސިއްރު ފެންފުށި ރިސޯޓާ ދެމެދު، ދަރިވަރުންނަށް އަމަލީ ތަޖުރިބާ ހޯދުމުގެ ފުރުސަތުތައް ފުޅާކުރުމުގެ އެއްބަސްވުމެއްގައި މިއަދު ސޮއިކޮށްފި އެވެ.
ތަފްސީލް - މި އެއްބަސްވުމުގެ މައިގަނޑު މަގްސަދަކީ، އެމްއެންޔޫން ބުނި ގޮތުގައި:
ހޮސްޕިޓަލިޓީ އަދި ޓޫރިޒަމް ދާއިރާއިން ތައުލީމު ހާސިލުކުރަމުން އަންނަ ދިވެހި ދަރިވަރުންނަށް ލިބެން ހުރި އަމަލީ ތަޖުރިބާ ހޯދުމުގެ ފުރުސަތުތަކާއި އިންޓާންޝިޕް އަދި ތަމްރީނުތަކުގެ ފުރުސަތުތައް އިތުރު ކުރުން 
އެފްއެޗުޓީއެސްގެ ދަރިވަރުންނަށް ރިސޯޓުގެ މުހިންމު އޮޕަރޭޝަނަލް ދާއިރާތަކުން ފުޅާ ދާއިރާއެއްގައި އަމަލީ ތަޖުރިބާ ލިބި، އެ ކުދިންގެ ހުނަރުތައް އިތުރުވެ، ވަޒީފާގެ ބާޒާރަށް ނުކުތުމަށް ބޭނުންވާ ތައްޔާރީތައް ލިބޭނެ
މީގެ ސަބަބުން، އެމްއެންޔޫން ބުނި ގޮތުގައި، ދިވެހި މުވައްޒަފުން އުފެއްދުމާއި މުވައްޒަފުން ތަމްރީނު ކުރުމާއި ތައުލީމީ ދާއިރާ އާއި އިންޑަސްޓްރީއާ ދެމެދު މައުލޫމާތު ބަދަލުކުރުމަށް އެހީތެރިވެދޭނެ އެވެ.