ގޯލްޑަން ފުޓްސަލް ޗެލެންޖް 2025 ގެ ރ. އަތޮޅު ސެމީ ފައިނަލުގެ ފަހު ޖާގަތައް ދުވާފަރު އާއި މަޑުއްވަރި ހޯދައިފި އެވެ.
މި މުބާރާތުގެ ރ. އަތޮޅުގެ ގްރޫޕް ދޭއްގެ ދެވަނަ ޓީމުގެ ގޮތުގައި ދުވާފަރުން ސެމީ ފައިނަލުގެ ޖާގަ ހޯދީ މީދޫ 7-1 ގެ ނަތީޖާއަކުން ބަލިކޮށްގެންނެވެ.
މި މެޗުގެ ހަތަރު ވަނަ މިނެޓުގައި ދުވާފަރަށް ލީޑު ނަގައިދިނީ އަބްދުالله ލޫތް އިބްރާހީމް ޖެހި ގޯލުންނެވެ. އެކަމަކު އޭގެ މިނެޓެއް ފަހުން މީދޫގެ އަހުމަދު ނާއިމް ވަނީ ގޯލު ޖަހާ ނަތީޖާ ހަމަހަމަ ކޮށްފަ އެވެ. އޭގެ ފަހުން ދުވާފަރުން ވަނީ ކައިރިކައިރީގައި ގޯލުތައް ޖަހާ މެޗުގެ ނަތީޖާ އަނބުރާލައިފަ އެވެ. އެގޮތުން ދުވާފަރުގެ ހަސަން އަޒޫމް ދެ ގޯލު ޖެހިއިރު, އިސްމާއިލް އަހުމަދު, މުހައްމަދު ޖުމާން އަހުމަދު, މުސްލިމް މުހައްމަދު, މިއިން ކޮންމެ ކުޅުންތެރިޔަކު ވަނީ ގޯލެއް ޖަހާފަ އެވެ. ދުވާފަރުގެ އަނެއް ގޯލަކީ މީދޫގެ ކެޕްޓަން މުހައްމަދު އަނާން އަތުން ބައިކޮޅަށް ވަން ގޯލެކެވެ.
ރ. އަތޮޅުގެ ގްރޫޕް އެކެއްގެ ދެ ވަނަ ޓީމުގެ ގޮތުގައި މަޑުއްވަރިން ސެމީ ފައިނަލުގެ ޖާގަ ހޯދީ ރަސްގެތީމުއާ ބައްދަލުކޮށް 0-0 ގެ ނަތީޖާ އަކުން މެޗު އެއްވަރުކޮށްގެންނެވެ.
މި ނަތީޖާއާއެކު މި ގްރޫޕްގެ އެއްވަނަ ހޯދި އަލިފުށި އަށް ހަތަރު ޕޮއިންޓް ލިބުނުއިރު، ދެ ވަނަ އަށް ދިޔަ މަޑުއްވަރި އަށް ދެ މެޗުން ލިބުނީ އެއް ޕޮއިންޓް އެވެ. އެހެންވެ މަޑުއްވަރިން ސެމީގައި ބައްދަލުކުރަން ޖެހޭނީ ރ. އަތޮޅުގެ ގްރޫޕް ދޭއްގެ އެއް ވަނަ ޓީމު އިނގުރައިދޫއާ އެވެ. ސެމީގައި ދުވާފަރުން ނުކުންނަން ޖެހޭނީ އަލިފުށިއާ ދެކޮޅަށެވެ.
16:00: ކ. ދިއްފުށި - ކ. މާފުށި
16:00: ކ. ހިންމަފުށި - ކ. ގާފަރު
17:00: ކ. ގުޅި - ކ. ގުރައިދޫ
17:00: ކ. ތުލުސްދޫ - ކ. ކާށިދޫ
----------------------------------------
20:00: އއ. ސެމީ ފައިނަލް: އއ. ރަސްދޫ - އއ. މަތިވެރި
20:00: އއ. ސެމީ ފައިނަލް: އއ. ބޮޑުފޮޅުދޫ - އއ. ތޮއްޑޫ
21:00: އދ. ހަންޏާމީދޫ - އދ. ކުނބުރުދޫ
21:00: އދ. މަހިބަދޫ - އދ. އޮމަަދޫ
22:00: ޅ. ހިންނަވަރު - ޅ. ނައިފަރު
22:00: ޅ. ކުރެންދޫ - ޅ. އޮޅުވެލިފުށި
23:00: ވ. ފުލިދޫ - ވ. ކެޔޮދޫ