ކައިވެންޏަށް 30 އަހަރު ފުރިފައިވާ ޢުމުރުން 60 އަހަރުން މަތީގެ މީހަކު ކުރިސުވާލެކެވެ. "އަހުރެންނަށް އަނުރެންގެ އަނބިމީހާ ވަރިކުރެވިދާނެ ހެއްޔެވެ؟" ސަބަބެއް ކަމަށް ބުނީ އަނބިމީހާ އޭނާ ދެކެ ލޯބިނުވާތީ ކަމަށެވެ.  
ލޯބިނުވާކްން އެނގެނީ ކިހިނަކުންތޯ ސުވާލުކުރުމުން ދެއްކީ ޢުމުރުން 30 އަހަރުގެ ޒުވާނުން ލޯބިވެގެން ކުރާ ކަންކަން ނުކުރާ ކަމުގެ ވާހަކައެވެ. އޭނާއަށް ކޮސްދޭންޖެހޭ ކަންކަން ކޮށްދޭ ކަމަށްވެސް ބުންޏެވެ. އަދި ވަފާތެރިކަމަށްވެސް ބުންޏެވެ.  
އަހުރެން އޭނާއަށް ދިން ނަޞޭޙަތަކީ:  
ކަލެއަށް ވެގެން ތިއައުޅޭ ގޮތަކީ މާގިނައިން ސޯޝަލް މީޑިއާއަށް ބެލެނީއެވެ. އެެހންވެ ލޯބިވެގެން ޒުވާނުން އުޅޭ ގޮތް މާގިނައިން ފެންނަނީއެވެ. ބުނަންހެއްޔެވެ؟ ކިތަންމެ ވަރަކަށް ލޯބިވިޔަސް ޢުމުރުން ދުވަސްވާވަރަކަށް ކަންތައްތަކަށް ބަދަލުއަންނާނެއެވެ. ފެންނައިރަށް ހިފައި އޮޅުލުމުގެ ބައި ކުޑަވާނެއެވެ. އެއީ ލޯބިނުވާތީއެއް ނޫނެވެ. ޠަބީޢަތަށް އަންނަ ބަދަލުގެ ސަބަބުންނެވެ.  
ބަލަންވީ ސޯޝަލް މީޑިއާއެއް ނޫނެވެ. މީހުންގެ ޙަޤީޤީ ދިރިއުޅުމަށެވެ. ތިމާ އާއި އެއް ޢުމުރުގެ މީހުން އުޅެމުން އަންނަ ގޮތަށެވެ. ކަލެއަކީ ވަރަށް ބޮޑު ނަޞީބުވެރިއެކެވެ. އަލަތު ކައިވެނީގައި 30 އަހަރުވީއެވެ. އަނބިމީހާއަކީ ވަފާތެރިއެކެވެ. ކަލެއަސް ކޮށްދޭންޖެހޭ ހުރިހާ ޚިދުމަތްތަކެއް އެބަކޮށްދެއެވެ. އެއިން ކަމަކަށް ބަދަލެއް ނުގެނެއެވެ. މިއީ ވަރަށް މަދުން ނޫނީ ކަންކަން މެދުވެރިޥާ ގޮތެއް ނޫނެވެ. ވީމާ މިނަޞޭޙަތަށް ވިސްނައިގެން އަދި ދުވަސްކޮޅަކު އުޅެބަލާށެވެ. އެއަށްފަހު ޚިޔާލުހުރި ގޮތް ނިކަން ބުނެބަލާށެވެ.  
އެއިގެ 3 މަސްފަހުން އޭނާ އަހުރެންނާއި ބައްދަލުކުރިއެވެ. ބުނީ އޭނާގެ އަނބިމީހާއަކީ ޖަވާހިރެއްފަދަ އަންތބެއް ކަމަށް ޤަބޫލުކުރެވިއްޖެއެވެ.  
ލޮބުވެތި އެކުވެރިންނޭވެ! މީހުން ކުޅެފައި ހުންނަ ޑްރާމާތަކަށާއި ފިލްމްތަކަށް ބަލައިގެން ދިރިއުޅުމުގެ ކަންކަމަށް ގޮތް ނުނިންމާށެވެ. މީހުންގެ ޙަޤީޤީ ދިރިއުޅުމަށް ބަލާށެވެ. ތިމާއަށް މަދުވާބައެއް އޮތްކަން ފާހަގަކުރެވިއްޖެނަމަ ދެމަފިރިންގެ މެދުގައި ވާހަކަދައްކާށެވެ. ޙައްލުކުރެވޭނެއެވެ. ދިރިއުޅުން އުފާވެރިވެސް ކުރެވޭނެއެވެ. އިން ޝާ ﷲ
 
- އިސްލާމީ ތިލަފަތުގެ ދަރުސަކުން