މި ރޯދަމަހުގެ ފަހު 10ގައި ބޭންކުގެ ބްރާންޗުތައް ހުޅުވާނީ މި މަހުގެ 11 އަދި 18ގައި ކަމަށް އެ ބޭންކުން މިއަދު ބުނެފި އެވެ.
ވީ ކިހިނެއް؟ - ރޯދަމަހުގެ ފަހު 10ގައި ސަރުކާރު ބަންދެވެ. ނަމަވެސް، ބީއެމްއެލް އިން މިއަދު ބުނީ ރޯދަމަހުގެ ފަހު 10ގައި ދެ ދުވަހު އެ ބޭންކުގެ ބްރާންޗުތައް ހުޅުވާނެ ކަމަށެވެ.
ތަފްސީލް - މި މަހުގެ 11 އަދި 18ގައި ބޭންކުގެ ބްރާންޗުތައް ހުޅުވާނީ:
ހެނދުނު 9:30 އިން މެންދުރު 12:30އަށް
ޝައްވާލް މަހުގެ ފުރަތަމަ ހަތް ދުވަހު އެ ބޭންކުގެ ބްރާންޗުތައް ކޮންމެ ދުވަހެއްގެ ހެނދުނު 9:30 އިން މެންދުރު 12:30އަށް ހުޅުވާނެ ކަމަށް ވެސް ބީއެމްއެލް އިން ބުންޏެވެ.
އެނގުން މުހިއްމު - ރާއްޖޭގެ އެކި ސަރަހައްދުތަކުގައި ބީއެމްއެލް އިން ގާއިމްކޮށްފައިވާ ސެލްފު ސާވިސް ބޭންކިން ސެންޓަރުތަކުން ފައިސާ ޖަމާކޮށް ނެގުމުގެ ހިދުމަތް 24 ގަޑިއިރު ލިބޭނެ އެވެ. ރޯދަމަހު ބޭންކުގެ ބްރާންޗުތައް ހުޅުވައިގެން ހިދުމަތްދޭ ވަގުތު ކުރުވުމުން އެ ބޭންކުން އެދެނީ: 
ބީއެމްއެލް އެޕް އަދި އިންޓަނެޓު ބޭންކިން މެދުވެރިކޮށް ހިދުމަތް ހޯދަން
ކޭޝް އެޖެންޓުން މެދުވެރިކޮށް ވެސް ރޯދަމަހު ހިދުމަތް ލިބޭނެ