ހުޅުމާލެ ފޭސްގައި ޤާއިމްކޮށްފައިވާ ފުލުހުންގެ ޔުނިޓާއި، ހުޅުމާލެ އެކަޑަމިކް ސެންޓަރ ގުޅިގެން ކުރިއަށްގެންދާ ވިދުވަރު ޤުރުއާން މުބާރާތް ފަށައިފިއެވެ.
ކޮންމެ އަހަރެއްގެވެސް ރަމަޟާންމަހު ކުރިއަށްގެންދާ މި މުބާރާތް ބާއްވާ މިއީ ދެވަނަ އަހަރެވެ. މުބާރާތް އިންތިޒާމްކުރާ ފަރާތުން ބުނީ، މިފަހަރުގެ މުބާރާތުގައި 235 ދަރިވަރުން ބައިވެރިވާކަމަށާއި، މުބާރާތުގެ ކިޔެވުން ކުރިއަށްގެންދަނީ ފޭސް ދޭއްގައި ހުންނަ ސޮލާހުއްދީން ސްކޫލްގައި ކަމަށެވެ.
މި މުބާރާތުގައި ކިޔެވުން ކުރިއަށްގެންދަނީ 3 ޢުމުރު ފުރައަކަށް ބަހާލައިގެންނެވެ. ކޮންމެ ޢުމުރުފުރައެއްގެވެސް ބަލައިގެން ކިޔެވުން އަދި ނުބަލައި ކިޔެވުމުގެ ބައި ހިމަނާފައިވެއެވެެ. ކޮންމެ ގޮތްޕަކުންވެސް ގަދަ 5 ހޮވައި އަދި 1، 2، 3 ވަނަ ހޮވުމުގެ އިތުރުން މުޅި މުބާރާތުން 1، 2، 3 ހޮވާޤޮތަށް ވަނީ ހަމަޖެހިފައެވެ.
ވިދުވަރު ޤުރުއާން މުބާރާތުގެ ތެރެއިން...
1. ޢުމުރުން 6 އަހަރާއި 8 އަހަރު (ބަލައިގެން އަދި ނުބަލައި)
2. ޢުމުރުން 9 އަހަރާއި 11 އަހަރު (ބަލައިގެން އަދި ނުބަލައި)
3. ޢުމުރުން 12 އަހަރާއި 14 އަހަރު (ބަލައިގެން އަދި ނުބަލައި)
ވިދުވަރު ޤުރުއާން މުބާރާތުގެ ތެރެއިން...
މި މުބާރާތުގެ މައިގަނޑު މަޤުސަދަކީ އިސްލާމްދީނުގެ މަތިވެރި ޝިޢާރުތައް ދިރުވައި، ދަރިންގެ ހިތްތަކުގައި ޤުރުއާނަށް ލޯބި ޖައްސުވައި، ޤުރުއާން ކިޔެވުމަށް ހިތްވަރު ދިނުމެވެ. 
ވިދުވަރު ޤުރުއާން މުބާރާތުގެ ތެރެއިން...
މިފަހަރުގެ މުބާރާތުގެ މެއިން ސްޕޮންސަރުންނަކީ އެމްޕީއެލް، އެހީ ޖަމްޢިއްޔާ އަދި އެޗްޑީސީއެވެ. ސަޕޯޓިން ޕާރޓްނަރުންގެ ގޮތުގައި ކޮމަނާސް، ލިންކްޑް އިން، ޕިރަމިޑް، އަދި ޖަމްޢިއްޔަތުއް ރަހުމާ ވަނީ ބައިވެރިވެއެވެ. މީޑިއާރ ޕާރޓްނަރަކީ ވޮއިސް އެމްވީ އެވެ.