ރައްޔިތުން މަޖިލީހުގެ އިހަވަންދޫ ދާއިރާގެ މެންބަރު މުހައްމަދު އަބްދުﷲ (މުހައްމާ) ވެރިކަންކުރާ އެމްޑީޕީ އާއި ގުޅިވަޑައިގެންފިއެވެ.
އެމްޑީޕީއަށް މެމްބަރު މުހައްމާ ސޮއި ކުރައްވާފައިވަނީ މިރޭގެ ވަގުތެއްގައެވެ. އެމްޑީޕީއަށް ސޮއި ކުރައްވާފައިވަނީ އެ ޕާޓީގެ ރައީސް، ރައީސް މުހައްމަދު ނަޝީދާއި އެ ޕާޓީގެ ޗެއަރ ޕާސަން ހަސަން ލަތީފްގެ ހާޒިރުގައެވެ.
މުހައްމާ އެންމެ ފަހުން އުޅެފައިވަނީ ޕީޕިއެމްގައެވެ. އެ ޕާޓީން ވަކިކޮށް ގޮނޑި ގެއްލުވާލި މެމްބަރުންގެ ތެރޭގައި ހިމެނޭ މުހައްމާ ރައްޔިތުންގެ މަޖިލީހަށް އިންތިހާބުވެފައިވަނީ ޖުމްހުރީ ޕާޓީގެ ޓިކެޓުގައެވެ.
Rayyithunge Majlihuge Ihavandhoo Dhaairage Member @mpmuhamma (Muhammaa) mirey MDP ah soe kuravvaifi. pic.twitter.com/4IsnSA5hnl
— MDP Secretariat (@MDPSecretariat) November 20, 2018
މުހައްމާ މިރޭ އެމްޑީޕީއަށް ސޮއިކުރައްވާފައިވާއިރު، މިހާރުގެ ޔޫތު މިނިސްޓަރު އަދި ގަލޮޅު ދެކުނު ދާއިރާގެ މެމްބަރުކަން ކުރެއްވި އަހްމަދު މަހްލޫފްވެސް ދާދި ފަހުން ވަނީ އެމްޑީޕީއާއި ގުޅިވަޑައިގެންފައެވެ.