މޫސުން ގޯސްވެ ކޮންމެހެން ކުރަން ޖެހޭ ދަތުރެއް ނޫނީ ނުކުރަން ފުލުހުން އިލްތިމާސްކޮށްފި އެވެ.
މުޅި ރާއްޖެއަށް މޫސުން ގޯސްވެ، މެޓް އޮފީހުން، ހެނދުނުން ފެށިގެން މެދު ރާައްޖެ ތެރެއަށް ނެރުނު ރީނދޫ ސަމާލު މިރެއާ ހަމައަށް ވަނީ ދަންމާލާފައެވެ.
މެޓް އޮފީހުން ރ އަތޮޅުން ވ އަތޮޅަށް ސަމާލު ނެރެ، އެ ސަރަހައްދަށް ގަޑިއަކު 28 މޭލާއި 35 މޭލާ ދެމެދަށް ވައިޖެހި، ވިލާގަނޑުގައި ގަޑިއަކު 55 މޭލަށް ވައިގަދަވާނެ ކަމަށް ލަފާކޮށްފައިވެއެވެ. އަދި، ކަނޑުތައް ވެސް ވަރަށް ގަދަވާނެތީ އެ އިދާރާއިން ވަނީ ސަމާލުވާން އިލްތިމާސްކޮށްފައެވެ.
Advertisement
އެއާއެކު ފުލުހުންވެސް މިއަދު ވަނީ މި ދުވަސްވަރަކީ ކަނޑުގަދަ އަދި ވިއްސާރަ ދުވަސް ވަރަކަށް ވުމާއެކު، ކޮންމެހެން ކުރަން ޖެހިއްޖެ ހާލަތުގައި މެނުވީ ކަނޑުދަތުރު ނުކުރުމަށް އިލްތިމާސްކޮށްފައެވެ.
އަދި ދަތުރުކުރަން ޖެހިއްޖެ ހާލަތުގައި ވެސް ރައްކާތެރިކަމުގެ ފިޔަވަޅު އެޅުމަށާއި ކުދި އުޅަނދުގައި ދަތުރުނުކުރުމަށް ވެސް ވަނީ އެދިފައެވެ.