އިތުބާރު ކުރެވޭ މަގާމެއްގައި ހުރެ ކުޑަކުއްޖަކަށް ޖިންސީ ގޯނާކުރި ކަމަށް ތުހުމަތު ކުރެވޭ ފުލުހެއްގެ މައްސަލަ ފުލުހުންގެ އިދާރާއިން ބަލަން ފަށައިފިއެވެ.
މި މައްސަލައިގައި ތުހުމަތު ކުރެވޭ ފަރާތާ މެދު އަޅާފައިވާ ފިޔަވަޅެއް ނުވަތަ މައްސަލައިގެ އިތުރު ތަފްސީލެއް ފުލުހުން އަދި ހާމައެއް ނުކުރެއެވެ. ނަމަވެސް މި މައްސަލައިގެ ތަހުގީގުތައް ބާރުމިނުގައި ކުރިއަށްދާ ކަމަށް އެ އިދާރާއިން މައުލޫމާތު ދެއެވެ.