ދެކުނު އިންޑިއާގެ ކުޅަދާނަ ފިލްމު ޑައިރެކްޓަރު އެސް އެސް ރާޖާމޮލީގެ އާ ފިލްމު "ވަރަނަސީ" ބެލުންތެރިންނަށް ގެނެސްދޭ ތާރީޚު އިއުލާނުކޮށްފިއެވެ. މި ފަހުން އިއުލާނުކުރި ދެކުނު އިންޑިއާގެ ފިލްމުތަކުގެ ތެރެއިން އެންމެ ގިނަ ބަޔަކު އިންތިޒާރުކުރާ މި ފިލްމު ސިނަމާތަކުގައި އަޅުވާނީ އަންނަ އަހަރުގެ އޭޕްރިލް މަހުގެ ހަތްވަނަ ދުވަހެވެ. މި ފިލްމު ސިނަމާތަކަށް ގެންނަން ނިންމާފައިވަނީ އާ އަހަރު ފެށި އިންޑިއާގައި އެ ދުވަސްވަރު ފާހަގަކުރާ ހިންދޫންގެ އަހަރީ ފެސްޓިވަލް ބަންދާ ދިމާކޮށެވެ. ފިލްމު "ވަރަނަސީ"އަކީ ވަރަށް ދިގު މުއްދަތަކަށް އިންޑިއާގެ ފިލްމުތަކާ ދުރުގައި ހުރި ބޮލީވުޑްގެ ބަތަލާ އެނބުރި އެ ޤައުމުގެ ފިލްމަކުން ފެންނާނެ ފުރަތަމަ ފިލްމެވެ. ފިލްމު "ވަރަނަސީ"ގައި ޕްރިތްވީ އަދި ޕްރިޔަންކާ ކުޅޭ ކެރެކްޓާ--ފޮޓޯ/ޓެލެގްރާފްއިންޑިއާ ސައުތު އިންޑިއާގެ އެންމެ ނުފޫޒުގަދަ އެކްޓަރުންގެ ތެރޭ ހިމެނޭ މަހޭޝް ބާބޫއާއި ޕްރިތްވީރާޖް ސުކުމަރަން މުހިއްމު ރޯލްތަކުން ފެންނާނެ މި ފިލްމަކީ ވަރަށް ވަރުގަދަ އެކްޝަން އެޑްވެންޗާއެކެވެ. މި ފިލްމުގެ ލީޑް ރޯލްތައް ކުޅޭ ތަރިންތައް ފިލްމުން ފެންނާނެ ގޮތުގެ ފަސްޓްލުކް ޓީޒާއެއް ވެސް ބެލުންތެރިންނަށް ދައްކާލުމަށް ފަހު، ފިލްމުގެ ޓައިޓްލް އިއުލާނުކުރީ މިދިޔަ އަހަރު ނޮވެންބަރު މަހު އިންޑިއާގައި ބޭއްވި ވަރަށް ކުލަގަދަ ހަފުލާއެއްގައެވެ. ރިޕޯޓުތައް ބުނާގޮތުން ފިލްމު "ވަރަނަސީ"ގައި ބަތަލާ ޕްރިޔަންކާ ކުޅޭ ރޯލަށް އެއްބަސްވީ ފިލްމުގެ ދެ އެކްޓަރުންނަށް ވުރެ ވެސް މާ ބޮޑު އަގެއް ކިޔުމަށް ފަހެވެ. ނަމަވެސް، މިހާތަނަށް އެއީ ކިހާ އަދަދެއްކަން ހާމަކޮށްފައެއް ނުވެއެވެ. ގާތްގަނޑަކަށް 1،300 ކްރޯޑު ރުޕީސް (141.4 މިލިއަން ޑޮލަރު)ގެ ބަޖެޓަކުން އުފައްދާ މި ފިލްމަކީ ޑައިރެކްޓަރު އެސް އެސް ރާޖާމޮލީގެ ބައްޕަ ވިޖަޔަންދުރަ ޕްރަދާސްގެ ސްކްރީންޕްލޭއަކަށް އުފައްދާ ފިލްމެކެވެ.