މިއަދުގެ ސަން ބަދިގެ ސެގްމެންޓްގައި ގެނެސްދޭނީ ދިވެހީންނަށް ވެސް ވަރަށް ކަމުދާ އިޓަލީވިލާތުގެ ކެއުމެއް ދިވެހި ރަހަ އޭގައި ހިމެނޭ ގޮތަށެވެ. ބޭނުންވާ ތަކެތި 400 ގްރާމް މިންސްޑް މަސް1/2 ޕެކެޓް ސްޕެގެޓީ100 ގްރާމް ފިޔާ ( ޗޮޕްކޮށްލާފައި )50 ގްރާމް ލޮނުމެދު ( ޗޮޕްކޮށްލާފައި )100 ގްރާމް ޕާރމަސަން ޗީޒް04 މޭޒުމަތީ ސަމުސާ އޮލިވް އޮއިލް 01 ޓޮމާޓޯ ޕޭސްޓް ( ކުޑަ ) 01 މޭޒްމަތީސަމުސާ ހަކުރު 03 ފަތް ބޭލީވްސް 1/2 ސައިސަމުސާ އޮރިގާނޯ 1/2 ސައިސަމުސާ ރޮސްމަރީނޯ 01 ދަޅު ޕީލްޑް ޓޮމަޓޯ ( 400 ގްރާމް )1/2 ސައިސަމުސާ މުގުރު އަސޭމިރުސް އަދި ރަހަލާވަރުގެ ލޮނުކޮޅެއް ތައްޔާރު ކުރާނެގޮތް ތެއްޔެއްގެ ތެރެއަށް ތެޔޮފޮދު އެޅުމަށްފަހު ކުޑަކޮށް ހޫނުކޮށްލުމަށްފަހު ފިޔާ، ލޮނުމެދު، ބޭލީވްސް، އަޅާފައި ކުޑަކޮށް ވަޅޯކޮށްލާށެވެ. ވަޅޯވީމާ މަސް ، އަސޭމިރުސް އަޅާ އެއްކޮށް ލުމަށްފަހު ޕީލްޓޮމާޓޯ، ޓޮމާޓޯ ޕޭސްޓް، ހަކުރު، އޮރިގާނޯ، ރޯސްމަރީނޯ އަދި ލޮނު އަޅާ އެއްކޮށްލުމަށް ފަހު މަޑުގިނީގައި 20 ނުވަތަ 30 މިނެޓް ވަންދެން ކެއްކުމަށްފަހު ޕާމަސަންޗީޒް އަޅާއެއްކޮށްލާފައި ފަސް ވަރަކަށް މިނެޓް ވަންދެން ކައްކާލާށެވެ. އެއަށްފަހު ކައްކާފައި ހުރި ސްޕެގެޓީގެ ފެންލުހެލާފައި ކުރިން ކެއްކި ސޯސްކޮޅު އަޅާލައި އެއްކޮށްލާށެވެ.