މާލޭގެ އެޕާޓުމަންޓެއްގައި މިއަދު ރޯވެ، ގެއްލުންތަކެއް ލިބިއްޖެއެވެ. އެމްއެންޑީއެފުން މިއަދު ބުނީ އަލިފާނުގެ ހާދިސާ ހިނގީ، މ. މަލީޝާގެ އެއްވަނަ ފަންގިފިލާގައި ކަމަށެވެ. އެ ހާދިސާ އެމްއެންޑީއެފަށް ރިޕޯޓުކުރީ، 14:54 ހާއިރެވެ. މާލޭ ފަޔާ ސްޓޭޝަނުގެ ފަޔާފައިޓަރުން ކުރި މަސައްކަތުން، އަލިފާން ނިއްވާލެވުނީ 15:24 ހާއިރު ކަމަށް އެމްއެންޑީއެފުން ބުންޏެވެ. މާލޭގެ އެޕާޓުމަންޓެއްގައި އަލިފާން ރޯވެ، ގެއްލުންތަކެއް ލިބިފައި --- ފޮޓޯ/ އެމްއެންޑީއެފް އެ ހާދިސާގައި އެއްވެސް މީހަކަށް އަނިޔާ ވެފައިނުވާ ކަމަށް އެމްއެންޑީއެފުން ވަނީ ބުނެފައެވެ. އެމްއެންޑީއެފުން އާންމުކުރި ފޮޓޯތަކުން ފެންނަ ގޮތުގައި، އަލިފާނުގެ ހާދިސާ ހިނގި އެޕާޓުމަންޓަށް ވަނީ ބޮޑެތި ގެއްލުންތައް ލިބިފައިވެއެވެ. މިގޮތުން، މި އެޕާޓުމަންޓުގެ ކޮޓަރީގެ ސީލިންގުގެ ބޮޑު ބައެއް އަނދާފައިވާއިރު، އެ ކޮޓަރީގައި ހުރި ބައެއް އަންނައުނުތައް ވަނީ އަނދާފައެވެ. ނެޝަނަަލް ޑިޒާސްޓާ މެނޭޖްމެންޓް އޮތޯރިޓީ (އެންޑީއެމްއޭ)އިން ބުނީ އެ ހާދިސާއާ ގުޅިގެން އެ ތަނުގައި އެ އޮތޯރިޓީން ހަރަކާތްތެރިވަމުން ކަމަށާއި އެ ތަނަކީ ބިދޭސީން ދިރިއުޅެމުންދާ ތަނެއް ކަމަށް ބުނެފައެވެ. މި ހާދިސާ ހިނގަން މެދުވެރިވި ސަބަބެއް އެމްއެންޑީއެފުން ހާމަކޮށްފައެއް ނުވެއެވެ.