މޫނު ބުރުގާ އަޅައިގެން އުޅޭ މީހުންނަށް ކޯޓުތަކާއި ޖުޑީޝަރީގައި ވަޒީފާ އަދާ ކުރެވޭނެ ކަމަށް ޖުޑީޝަލް ސާވިސް ކޮމިޝަން (ޖޭއެސްސީ) އިން މިދިޔަ ބުދަ ދުވަހު ނިންމައިފި އެވެ.
ވީކިހިނެއް؟ - މީގެ ކުރިން ބައެއް ކޯޓުތަކުގައި މޫނު ބުރުގާ އަޅައިގެން އުޅޭ މީހުންނަށް ވަޒީފާ ނުދޭތީ އެ ކަމުގެ ޝަކުވާ ބޮޑުވި އެވެ. 
ތަފްސީލް - މިދިޔަ ބުދަ ދުވަހު ބޭއްވި ކޮމިޝަނުގެ ބައްދަލުވުމަކަށް މި ކަން އެޖެންޑާ ކުރީ:
ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) އިން އެ ކަން ޖޭއެސްސީއަށް ފޮނުވުމުން
ޑީޖޭއޭން އެދުނީ ޖޭއެސްސީން ގޮތެއް ނިންމައި އެ ކަމުގެ ލަފައެއް އެރުވުމަށް
ޖޭއެސްސީގެ ބައްދަލުވުމުގައި ނިންމީ މޫނު ބުރުގާ އަޅައިގެން އުޅޭ މީހުންނަށް ކޯޓުތަކާއި ޖުޑީޝަރީން ވަޒީފާ ދިނުމުގައި މައްސަލައެއް އޮވެގެން ނުވާނެ ކަމަށެވެ. 
އެ ގޮތަށް ޖޭއެސްސީން ނިންމުމުން ޑީޖޭއޭން މިހާރު ވަނީ އެ ގޮތަށް އެ ތަނުގެ އުސޫލު ބަދަލުކޮށްފަ އެވެ.