އެ ބަދަލު ގެންނެވުމުގެ ކުރިން، އެފަދަ މަޝްރޫއުތަކަށް އެންމެ މަދުވެގެން ހަރަދުކުރަންޖެހޭ މިންވަރު ކަމަށް ކުރިން ކަނޑައަޅައިފައިވަނީ 15 މިލިއަން ޑޮލަރެވެ.
ރާއްޖޭގެ މިނިވަންކަމާއި ސިޔާދަތާއި އިސްތިގުލާލު ހިމާޔަތްކޮށް ރައްކާތެރި ކުރުމަށާއި، ގައުމުގެ ސުލްހަމަސަލަސްކަން ދެމެހެއްޓުމަށްޓަކައި ކުރިޔަށް ގެންދިޔުމަށް ރާވައިފައިވާ މަޝްރޫއުތަކަށް އެންމެ މަދުވެގެން ހަރަދުކުރަން ޖެހޭނެ މިންވަރު، 100 މިލިއަން ޑޮލަރަށް ބޮޑުކޮށްފި އެވެ.
ރައީސް އޮފީހުން ބުނީ، މި ބަދަލު ރައީސް ޑރ. މުހައްމަދު މުއިއްޒު ގެންނަވާފައިވަނީ، ދައުލަތުގެ އާންމު މަންފާއަކަށްޓަކައި ހިންގާނޭ މުހިންމު މަޝްރޫއުތައް ކަނޑައެޅުމުގެ ގަރާރު އަލުން އިސްލާހު ކުރެއްވުމަށްފަހު ކަމަށެވެ.
އެ ބަދަލު ގެންނެވުމުގެ ކުރިން، އެފަދަ މަޝްރޫއުތަކަށް އެންމެ މަދުވެގެން ހަރަދުކުރަންޖެހޭ މިންވަރު ކަމަށް ކުރިން ކަނޑައަޅައިފައިވަނީ 15 މިލިއަން ޑޮލަރެވެ.
އަލުން އެކަށައެޅުއްވި ގަރާރުގެ ޖަދުވަލުގައި، ސަރުކާރުން ކަނޑައަޅާފައިވާ މަޝްރޫޢުތަކާއި، އެ މަޝްރޫއުތައް ހިންގުމަށް ނިންމަވައިފައިވާ ސަރަހައްދު އަދި މަޝްރޫޢުތަކަށް އެންމެ މަދުވެގެން ހަރަދުކުރަންޖެހޭނެ މިންވަރު ވަނީ ބަޔާންކޮށްފަ އެވެ.
މިގޮތުން، އެއާޕޯޓު ތަރައްގީކުރަން ނިންމާފައިވާ ސަރަހައްދުތަކާއި، ރީހެބިލިޓޭޝަން ސެންޓަރުތަކާއި، ބިން ހިއްކުމާއި، ސޯޝަލް ހައުސިން އަދި ކޯޒްވޭތައް ފަދަ އުމްރާނީ ތަރައްގީގެ ގިނަ މަޝްރޫއުތައް ހިންގަން ނިންމާފައިވާ ސަރަހައްދުތަކާއި އެ މަޝްރޫއުތައް ހަރަދުކުރަންޖެހޭ އެންމެ މަދު މިންވަރު ވަނީ ހިމަނައިފަ އެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ