ރައްޔިތުންގެ މަޖިލީހުގެ ތުލުސްދޫ ދާއިރާގެ މެމްބަރު އިބްރާހީމް ނަސީމް ޕީއެންސީއަށް ސޮއިކުރައްވައިފިއެވެ.
ނަސީމް ޕީއެންސީއަށް ސޮއިކޮށްފައިވާކަން އެ ޕާޓީން ވަނީ ކަށަވަރުކޮށްދީފައެވެ.
މެމްބަރު ނަސީމަކީ މިނިވަން މެންބަރެއްގެ ގޮތުގައި މަޖިލީހަށް އިންތިހާބުވެވަޑައިގެންނެވި މެމްބަރެކެވެ.
ނަސީމްއާއެކު ރައްޔިތުންގެ މަޖިލީހުގައި މިހާރު ޕީއެންސީއަށް ނިސްބަތްވެވަޑައިގަންނަވާ 9 މެމްބަރުން އެބަތިއްބެވިއެވެ.
ނަސީމް ޕީއެންސީއަށް ސޮއިކޮށްފައި މިވަނީ ރައްޔިތުންގެ މަޖިލީހުގެ އިންތިޚާބު އަންނަ އަހަރުގެ މާޗް ނުވަތަ އޭޕްރީލް މަހުގެ ތެރޭގައި ބޭއްވުމަށް އިލެކްޝަންސް ކޮމިޝަނުން ތައްޔާރުވަމުންދާ ދަނޑިވަޅެއްގައެވެ.