ރާއްޖެ އަށް މި އަހަރު ދެ މިލިއަން ޓޫރިސްޓުން ގެންނަން ހިފި އަމާޒު މިއަދު ހާސިލުވެ ދެ މިލިއަން ވަނަ ޓޫރިސްޓަޑް މަރުހަބާ ކިޔައިފި އެވެ.ރާއްޖެއަށް މި އަހަރު ޒިޔާރަތްކުރި ދެ މިލިއަން ވަނަ ފަތުރުވެރިޔާއަކީ އޮސްޓްރިއާގެ ރައްޔިތެކެވެ.ދެ މިލިއަން ވަނަ ފަތުރުވެރިޔާއަށް މަރުހަބާ ކިޔުމަށް ވީއައިއޭގައި ބޭއްވި ރަސްމިއްޔާތުގައި ޓޫރިޒަމް މިނިސްޓަރު އިބްރާހީމް ފައިސަލް އާއި އެމްއެމްޕީއާރުސީގެ މެނޭޖިން ޑިރެކްޓަރު އިބްރާހީމް ޝިއުރީ އާއި އެމްއޭސީއެލްގެ މެނޭޖިން ޑިރެކްޓަރު އިބްރާހިމް ޝަރީފް މުހައްމަދާއި އިމިގްރޭޝަންގެ އިސްވެރިން ބައިވެރިވިިއެވެ.މި ރަސްމިއްޔާތުގައި ސިފައިންގެ ސިފްކޯގެ ފަރާތުން ހާއްސަ އައިޓަމެއް ވެސް ވަނީ ހުށަހަޅައިދީފަ އެވެ.މިދިޔަ އަހަރު ރާއްޖެއަށް 1،747،370 ޓޫރިސްޓުން ޒިޔާރަތްކުރުމާ އެކު، ސަރުކާރުން ވަނީ މި އަހަރު ދެ މިލިއަން ޓޫރިސްޓުން ގެންނަން އަމާޒު ކަނޑައަޅައި، އެކަމަށް މި އަހަރުގެ ތެރޭގައި ގިނަ މަސައްކަތްތަކެއް ކޮށްފަ އެވެ.