މި މުބާރާތުގެ މައިގަނޑު ސްޕޮންސަރު، އެސްޓީއޯއިން މައުލޫމާތު ދެއްވާގޮތުގައި، މި މުބާރާތް ކުރިއަށްދާނީ މި މަހުގެ ހަތަކުން ނުވަވަނަ ދުވަހުގެ ނިޔަލަށެވެ. މުބާރާތުގެ މެޗުތައް ކޮންމެ ރެއަކު 7:00 އިން ފެށިގެން ކުރިއަށްދާނީ ހުޅުމާލޭ ފޭސް އެކެއްގައި ހުންނަ ޗެސް އާކޭޑްގައެވެ.
ރާއްޖޭގެ އިޖުތިމާއީ ކަންކަމުގައި އަބަދުވެސް އެހީތެރިކަން ފޯރުކޮށްދޭ އެސްޓީއޯއަކީ މި މުބާރާތުގެ ޓައިޓަލް ސްޕޮންސަރެވެ. މުބާރާތުގެ މެޗުތައް ޔޫޓިއުބް އަދި ކާސަލްޗެސްކުލަބުން ވަގުތުން ބްރޯޑްކާސްޓް ކުރާނެއެވެ. މުބާރާތުގެ މީޑިއާ ޕާޓްނަރަކީ ސަން އޮންލައިން އެވެ. އަދި އެސޯސިއޭޓް ޕާޓްނަރުންގެ ގޮތުގައި ޔަމޯ، އޯކިޑްސް އޯރާ، އިންކެޑް އަދި ގިޒްމޯ ހިމެނެއެވެ.