ރައްޔިތުންގެ މަޖިލީހުގެ ތިމަރަފުށި ދާއިރާގެ ގޮނޑިއަށް އިންތިހާބުވެ ވަޑައިގެންނެވި ތ.ތިމަރަފުށި މާލޭގެ އަހުމަދު ޝަރީފް މެމްބަރު ކަމުގެ ހުވާ މިއަދު ހެނދުނު ކުރައްވައިފިއެވެ.
ޝަރީފު މެމްބަރުކަމުގެ ހުވައިކުރެއްވުމުގެ ރަސްމިއްޔާތު ބޭއްވީ މިއަދު ހެނދުނު 8:45 ގައި ރައްޔިތުންގެ މަޖިލީހުގެ ގޭގައެވެ. އަދި ހުވައިލައިދެއްވީ ސްޕްރީމް ކޯޓްގެ ފަނޑިޔާރު އަލްއުސްތާޛު ޢަބްދުﷲ ޢަރީފްއެވެ.
މިރަސްމިއްޔާތުގައި ރައްޔިތުންގެ މަޖިލީހުގެ ރައީސް ޢަބްދުﷲ ޝާހިދު އާއި މަޖިލީހުގެ ނައިބު ރައީސް އަހުމަދު ނާޒިމް އާއި އަދި މަޖިލީހުގެ ބައެއް މެމްބަރުން ބައިވެރިވެވަޑައިގެންނެވިއެވެ.