ފަރެސްމާތޮޑާ ކައުންސިލާއި ލަންކާގެ ބިޒްނަސް ކައުންސިލް ގުޅިގެން މި ހަފްތާގެ ބުދަ އަދި ބުރާސްފަތި ދުވަހު ފަރެސްމާތޮޑާގައި އައި ކޭމްޕެއް ބޭއްވުމަށް ވަނީ ނިންމައިފިއެވެ. މި ކޭމްޕުގައި 400 އެއްހާ އައިނު ހިލޭ ދިނުމަށް ހަމަޖެހިފައިވާ ކަމަށް ފަރެސްމާތޮޑާ ކައުންސިލުން މަޢުލޫމާތު ދީފައިވެއެވެ.މި ކޭމްޕުގައި ލޯ އަދި ކަންފަތް ޓެސްޓްކުރުމުގެ އިތުރުން، އަޑުއިވުމުގެ ވަސީލަތްތައް ފޯރުކޮށްދިނުން ހިމެނެއެވެ. މީގެ އިތުރުން ލަންކާގެ 4 ލޮލުގެ ޑޮކްޓަރުންނާއި 2 ޓެކްނީޝަނުން މި ކޭމްޕުގައި ބައިވެރިވާނެ ކަމަށް ވެސް ކައުންސިލުން ބުނެފައިވެއެވެ.ކޭމްޕުގެ ތެރެއިން ރަށުގެ ސިއްޙީ މަރުކަޒުގެ މުވައްޒަފުންނަށް ތަމްރީނު ދިނުން ވެސް ހިމެނިފައިވާ ކަމަށް ކައުންސިލުން މަޢުލޫމާތު ދީފައިވެއެވެ. މި ކޭމްޕް ބޭއްވުމަށް ނިންމާފައިވަނީ ފަރެސްމާތޮޑާ ކައުންސިލުން ލަންކާއަށް ކުރި ދަތުރެއްގައި ކަމަށް ވެސް ކައުންސިލުން ބުނެފައިވެއެވެ.ކައުންސިލުން ބުނާ ގޮތުގައި މި ކޭމްޕުގެ އަމާޒަކީ ރަށުގެ ގިނަ ރައްޔިތުންނަށް ލުއިފަސޭހަކަމާއެކު ޚިދުމަތް ފޯރުކޮށްދިނުމެވެ. މި ކޭމްޕަކީ ރަށުގެ ރައްޔިތުންނަށް ލިބޭނެ ވަރަށް ބޮޑު ފައިދާއެއް ކަމަށް ކައުންސިލުން ދެކެއެވެ.