އަޅުގަނޑަކީ ހަވާ ނަފުސަށް ހެއްލެވި ފާފަކުރެވޭ މީހެކެވެ. ނުކުރަން މަސައްކަތްކުރިނަމަވެސް ކުރެވެނީއެވެ. އެކަން އިޙްޞާޞްކުރެވުމުން ތައުބާވުމަށް އަވަސްވެގަންނަމެވެ. އެގޮތަށް މިހާރު ތައުބާވެވުނު ޢަދަދެއްވެސް ނުއެނގެއެވެ. އަޅުގަނޑުގެ ފާފަތައް ފުއްސަވައިދެއްވަވާނެތޯ؟  
މިމޭރުމުން ގިނަ ބައަކު ސުވާލުކުރާތީ މިގެނެސްދެނީ ޖަވާބުލިބިލައްވާނެ ލިޔުމެކެވެ. އިން ޝާ ﷲ  
ﷲ ތަޢާލާ މަލާއިކަތުން އުފެއްދެވީ އެއްވެސް ފާފައެއް ނުކުރައްވަވާނެ ބައެއްގެ ގޮތުގައެވެ. އިންސާނުން އުފެއްދެވީ ފާފަކުރެވޭނެ ބައެއްގެ ގޮތުގައެވެ. އެހެނަސް އިންސާނުންނަށްވަނީ މަލާއިކަތުންނަށްވުރެ މަތީ ދަރަޖަ ދެއްވަވައިފައެވެ. އެއީ ފާފަކުރެވުމުން ތައުބާވާނެތީއެވެ. ތައުބާވުމުން ފާފަ ފުއްސަވައިދެއްވެވުމަށް ﷲ ތަޢާލާ ލޯބިވެވޮޑިގަންނަވާތީއެވެ.
މޮޅަށް ދެނެވޮޑިގެންވަނީ ﷲ ތަޢާލާއެވެ. 
މި ދެ ޙަދީޘްފުޅަށް ވިސްނާލައި ޢަމަލުކުރަން މަސައްކަތްކުރާށެވެ!  
ފާފަ ނުކުރެވޭނެ މީހަކު ނުހުންނާނެކަމާއި އަދި އެންމެ ހެޔޮކަންބޮޑު މީހަކީ ގިނަގިނައިން ތައުބާވާ މީހާކަންވެސް އެނގެން ޙަދީޘްފުޅުން އެނގެން މިއޮތީއެވެ.
Every Son Of Adam Sins, And The Best Of The Sinners Are The Repetant
“All the sons of Adam are sinners, but the best of sinners are those who repent often.” —Prophet Muhammad (ﷺ)
وَعَنْ أَنَسٍ ‏- رضى الله عنه ‏- قَالَ: قَالَ رَسُولُ اَللَّهِ ‏- صلى الله عليه وسلم ‏-{ كُلُّ بَنِي آدَمَ خَطَّاءٌ, وَخَيْرُ اَلْخَطَّائِينَ اَلتَّوَّابُونَ }
Reference:  Tirmidhi (Book 16, Hadith 1520) 
"މީހަކަށް ތަކުރާރުކޮށް ފާފަކުރެވެނީއެވެ. ފާފަ ކުރެވޭ އިރަށް އޭނާ ތައުބާވެއެވެ. ޢަފޫކޮށްދެއްވެވުން އެދި ދަންނަވައެވެ. އޭނާއަށް ﷲ ޢަފޫކޮށްދެއްވަވަތެވެ. 
އެންމެފަހުން އޭނާ ﷲ އަށް ދަންނަވަތެވެ! "މިއަޅާއަށް މިހިރީ ކީއްވެފައި ކަމެއްވެސް ނުއެނގެއެވެ. ހަމަ ފާފަ ކުރެވެނީ އެވެ. ޔާ ﷲ! މިއަޅާއަށް ރަޙުމް ކުރައްވަވައި މިއަޅާގެ ފާފަތައް ފުއްސަވައި ދެއްވަވާނދޭވެ!  
ﷲ ތަޢާލާ މަލާއިކަތުންނަށް ވަޙީކުރައްވަވަތެވެ! ނިކަން ބަލައިބަލާށެވެ! ތިމަން ﷲ ގެ އަޅާ ހަމަ ފާފަ ކުރަނީއެވެ. އެކަމަކު އޭނާއަށް ތިމަން ﷲ ވޮޑިގެންވާކަން އެނގެއެވެ. ތިމަން ﷲ އަށް ބިރުވެތިވެ ފާފަ ފުއްސަވައި ދެއްވެވުމަށް އެދި އެދަންނަވަނީއެވެ. އޭނާގެ ހުރިހާ ފާފަތަކެއް ފުއްސަވައި ދެއްވަވައިފީމެވެ!"  
Abu Huraira reported: The Prophet, peace and blessings be upon him, said, “A servant committed a sin and he said: O Allah, forgive my sin! Allah Almighty said: My servant has committed a sin and he knows he has a Lord who forgives sins and holds him accountable. Then the servant returned to his sin and he said: O Allah, forgive my sin! Allah said: My servant has committed a sin and he knows he has a Lord who forgives sins and holds him accountable. Then the servant returned to his sin and he said: O Allah, forgive my sin! Allah said: My servant has committed a sin and he knows he has a Lord who forgives sins and holds him accountable, so do what you will for I have forgiven you.”
Source: Ṣaḥīḥ al-Bukhārī 7507, Ṣaḥīḥ Muslim 2758
Grade: Muttafaqun Alayhi (authentic) according to Al-Bukhari and Muslim  
މީސްތަކުންނޭވެ! ﷲ ތައާލާ އީ މިފަދަ ދީލަތިވަންތަ އޯގާތެރިވަންތަ ރަސްކަލާނގެއެވެ. ވީމާ ފާފަކުރެވުނު މިންވަރު ގިނަވެގެން ތައުބާވާން ފަސް ނުޖެހޭށެވެ! ފޭލްވާ މީހުންގެ ތެރެއިންވެސް އެންމެ ބޮޑަށް ފޭލްވެފައިވާ މީހަކީ ތައުބާވާން ފަސްޖެހޭ މިހާއެވެ.  
މީގެ މާނައަކީ އަބަދު ފާފަކުރުނަމްތީގައި ދެމިހުރުމެއް ނޫނެވެ. އެހެނީ ކުރެވޭ ފާފަތައް މިޒާނުގައި ކިރުއްވަވާނެކަން ދަންނަން ޖެހޭނެއެވެ. ހެޔޮކަމުގެ ކޮޅަށް ބަރުކުރަން މަސައްކަތްކުރަން ޖެހޭނެއެވެ. ނޫން ނަމަ ކަންކަން ވެދާނެ ގޮތަކަށް ބިރުވެތިވާން ޖެހޭނެއެވެ. ތަޤްވާވެރިވުމަކީ އެއީއެވެ! ތަޤްވާވެރިވުމަކީ ވީހައި ގިނައިން އަޅުކަން ކުރުމާއި ފާފަ ނުކުރަން ގަދައަޅައި މަސައްކަތްކުރުމެވެ.
 
- އިސްލާމީ ތިލަފަތުގެ ދަރުސަކުން