ދޮޅު މަސް ތެރޭ 72 މިލިއަން ރުފިޔާގެ މަސްތުވާތަކެތި އަތުލައިގެންފި އެވެ.
ތަފްސީލް - ހޯމްލޭންޑް މިނިސްޓްރީން މިއަދު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި މިނިސްޓަރު އަލީ އިހުސާން ވިދާޅުވީ، މަސްތުވާތަކެތީގެ ސަޕްލައި މަދުކުރުމަކީ އެ މިނިސްޓްރީން އެންމެ އިސްކަމެއްދީގެން ކުރިއަށްގެންދާ އެއް މަސައްކަތް ކަމަށެވެ.
ތަފްސީލް - އެގޮތުން، ކަސްޓަމްސް އާއި ފުލުހުން ގުޅިގެން ހިންގި ތަފާތު އޮޕަރޭޝަންތަކުގައި އަތުލައިގަނެވުނު މަސްތުވާތަކެތީގެ ތަފްސީލުތައް އިހުސާން ހިއްސާކުރެއްވި އެވެ.
އިހުސާން ވިދާޅުވި ގޮތުން، މިދިޔަ ދޮޅު މަހެއްހާ ދުވަސް ތެރޭ:
83،450 ގްރާމުގެ މަސްތުވާތަކެތި އަތުލައިގަނެވިފައިވޭ
އެ ތަކެތީގެ މަގުމަތީ އަގަކީ ގާތްގަނޑަކަށް 72.2 މިލިއަން ރުފިޔާގެ މަސްތުވާތަކެތި
އެއީ، ކަސްޓަމްސްއިން ރާއްޖޭގެ ބޯޑާ ސެކިއުރިޓީ ބެލެހެއްޓުމުގައި މިހާރު ގެންގުޅޭ ތަފާތު ހުނަރުތަކާއި ފުލުހުން ރާއްޖޭގެ އެކި ކަންކޮޅުތަކުގައި ރެޔާ ދުވާލު ހުއްޓުމެއްނެތި މަސްތުވާތަކެއްޗާ ދެކޮޅަށް ކުރާ މަސައްކަތްތަކުގެ ނަތީޖާ ކަމަށް އިހުސާން ވިދާޅުވި އެވެ.