ކޮމްޕިއުޓަރު ސިސްޓަމް އުފެއްދުމުގައި ކުރިއަރަމުން އަންނަ އޭސާ ކުންފުނިން އެ ކުންފުނީގެ އައު ކިޔޫޑީ-އޯލެޑް ގޭމިން މޮނިޓަރުތަކެއް ތަޢާރަފުކޮށްފިއެވެ. މި ގޮތުން ތައާރަފުކޮށްފައިވަނީ ޕްރެޑޭޓާ އެކްސް32 އެކްސް2 އަދި ޕްރެޑޭޓާ އެކްސް27ޔޫ އެކްސް1 މޮޑެލްތަކެވެ. މި މޮނިޓަރުތަކަކީ ގޭމަރުންނަށް އަމާޒުކޮށްގެން ތައްޔާރުކޮށްފައިވާ މޮނިޓަރުތަކެކެވެ.
އޭސާއިން ބުނާ ގޮތުގައި މި މޮނިޓަރުތަކުގައި ހިމެނޭ ކޮންޓަމް ޑޮޓް އަދި އޯލެޑް ޓެކްނޮލޮޖީގެ ސަބަބުން، ކުލަތައް އަސްލާ ގާތަށް ފެންނާނެއެވެ. އަދި އެލްސީޑީ މޮނިޓަރުތަކާ އަޅާބަލާއިރު ކަރަންޓު ހަރަދުވެސް ކުޑަވާނެއެވެ. މި މޮނިޓަރުތައް ލިބެން ހުންނާނީ 31.5 އިންޗި އަދި 26.5 އިންޗީގެ ސައިޒުތަކުގައެވެ. އަދި 4ކޭ ރެޒޮލިއުޝަނާއި 240ހާޓްޒްގެ ރިފްރެޝް ރޭޓް ހިމެނެއެވެ. މީގެ އިތުރުން އޭއެމްޑީގެ ފްރީސިންކް ޕްރީމިއަމް ޕްރޯ ޓެކްނޮލޮޖީވެސް މި މޮނިޓަރުތަކުގައި ހިމެނެއެވެ.
ޕްރެޑޭޓާ އެކްސް27ޔޫ އެކްސް1ގެ އަގަކީ އެމެރިކާގައި 599.99 ޑޮލަރެވެ. އަދި ޔޫރަޕް، މެދުއިރުމަތި އަދި އެފްރިކާގައި 699 ޔޫރޯއެވެ. ޕްރެޑޭޓަރ އެކްސް32 އެކްސް2ގެ އަގަކީ އެމެރިކާގައި 999.99 ޑޮލަރެވެ. އަދި ޔޫރަޕް، މެދުއިރުމަތި އަދި އެފްރިކާގައި 1،199 ޔޫރޯއެވެ.
މި ދެ މޮޑެލްވެސް މިހާރު އެމެރިކާގައި ވިއްކަން ފަށާފައިވެއެވެ. އަދި ޔޫރަޕް، މެދުއިރުމަތި އަދި އެފްރިކާގައި 2025 ވަނަ އަހަރުގެ ޖޫން މަހުން ފެށިގެން ވިއްކަން ފަށާނެއެވެ.
ޕްރެޑޭޓާ އެކްސް32 އެކްސް2ގައި ހިމެނެނީ 31.5 އިންޗީގެ 4ކޭ (3840x2160 ޕިކްސެލް) ކިޔޫޑީ-އޯލެޑް ސްކްރީނެކެވެ. އަދި ޕްރެޑޭޓަރ އެކްސް27ޔޫ އެކްސް1ގައި ހިމެނެނީ 26.5 އިންޗީގެ ޑަބްލިޔުކިޔުއެޗްޑީ (2560x1440 ޕިކްސެލް) ސްކްރީނެކެވެ. އޭސާއިން ބުނާ ގޮތުގައި މި ދެ މޮޑެލްގައިވެސް 250 ނިޓްސްގެ ނޭޓިވް ބްރައިޓްނަސް އަދި 1،000 ނިޓްސްގެ ޕީކް ބްރައިޓްނަސް ހިމެނެއެވެ.
މި މޮނިޓަރުތަކުގައި 240ހާޓްޒްގެ ރިފްރެޝް ރޭޓެއް ހިމެނެއެވެ. އަދި ޑައިނަމިކް ރިފްރެޝް ރޭޓް ފީޗާވެސް ހިމެނެއެވެ. މީގެ އިތުރުން 0.03 މިލިސެކަންތުގެ ރެސްޕޮންސް ޓައިމެއް ހިމެނެއެވެ. އޭއެމްޑީގެ ފްރީސިންކް ޕްރީމިއަމް ޕްރޯ ޓެކްނޮލޮޖީއާއެކު މި ފީޗާތަކުގެ ސަބަބުން ސްކްރީން ޓެއަރިންގ އަދި ބްލަރ ފަދަ މައްސަލަތައް ހައްލުވާނެ ކަމަށް އޭސާއިން ބުނެއެވެ.
މި މޮނިޓަރުތަކަކީ ވެސާ ޑިސްޕްލޭއެޗްޑީއާރު ޓްރޫ ބްލެކް 400 ސެޓިފައިޑް މޮނިޓަރުތަކެކެވެ. އަދި ޑީސީއައި-ޕީ3 ކަލާ ގެމަޓްގެ 99 ޕަސެންޓު ކަވަރު ކުރާ ކަމަށް އޭސާއިން ބުނެއެވެ. މީގެ އިތުރުން އެޗްޑީއެމްއައި 2.1 އަދި ޑިސްޕްލޭޕޯޓް ކަނެކްޓިވިޓީ ހިމެނޭތީ، ގޭމިންގ ކޮންސޯލްތަކާއި ޕީސީތަކާވެސް ގުޅުވޭނެއެވެ.
މި މޮނިޓަރުތަކުގައި އާގޮނޮމިކް ސްޓޭންޑެއް ހިމެނޭއިރު، މި ސްޓޭންޑްގެ ސަބަބުން މޮނިޓަރުގެ އުސްމިން، ކަތިކޮށް ބެހެއްޓުން އަދި އަނބުރާލުން ފަދަ ކަންކަން ކުރެވޭނެއެވެ. އަދި ބްލޫލައިޓްޝީލްޑް ޕްރޯ ޓެކްނޮލޮޖީގެ ސަބަބުން ދިގު މުއްދަތަކަށް ގޭމް ކުޅޭއިރު ލޮލަށް ކުރާ އަސަރު ކުޑަވާނެ ކަމަށް އޭސާއިން ބުނެއެވެ. މީގެ އިތުރުން ޕިކްޗާ-އިން-ޕިކްޗާ އަދި ޕިކްޗާ-ބައި-ޕިކްޗާ ފަންކްޝަންތައްވެސް މި މޮނިޓަރުތަކުގައި ހިމެނެއެވެ.
އޭސާއަކީ ޓައިވާނުގައި އުފެދިފައިވާ، ދުނިޔޭގެ އެކި ކަންކޮޅުތަކުގައި މަޝްހޫރު އިލެކްޓްރޯނިކްސް އުފައްދާ ކުންފުންޏެކެވެ. 1976 ވަނަ އަހަރު އުފެދުނު މި ކުންފުނިން އުފައްދާ ތަކެތީގެ ތެރޭގައި ޕަރސަނަލް ކޮމްޕިއުޓަރުތަކާއި، ލެޕްޓޮޕްތަކާއި، ޓެބްލެޓްތަކާއި، މޮނިޓަރުތަކާއި، ޕްރޮޖެކްޓަރުތަކާއި، ސްމާޓްފޯނުތައް ހިމެނެއެވެ. އޭސަރުގެ އުފެއްދުންތަކަކީ އަގުހެޔޮ، ފެންވަރު ރަނގަޅު އުފެއްދުންތަކެއްގެ ގޮތުގައި މަޝްހޫރުވެފައިވާ އުފެއްދުންތަކެކެވެ. ޚާއްޞަކޮށް ގޭމިންގ އާ ގުޅުންހުރި އުފެއްދުންތަކުގައި އޭސަރުގެ ޕްރެޑޭޓަރ ބްރޭންޑަކީ ވަރަށް މަޤްބޫލު ބްރޭންޑެކެވެ.
މި ކުންފުނިން އަބަދުވެސް މަސައްކަތް ކުރަމުންދަނީ އާ ޓެކްނޮލޮޖީތައް ތަޢާރަފުކޮށް، ކަސްޓަމަރުންނަށް އެންމެ ފުރިހަމަ ތަޖުރިބާ ފޯރުކޮށްދިނުމަށެވެ.
ގޭމިން އަށް ހާއްސަ މޮނިޓަރުތަކެއް އޭސާ އިން ތައާރަފްކޮށްފި ގޭމިން އަށް ހާއްސަ މޮނިޓަރުތަކެއް އޭސާ އިން ތައާރަފްކޮށްފި
އަރުޝީފަށް ނެގީ
އެންމެފަހުން އަޕްޑޭޓްކުރީ
އެންމެފަހުން އަޕްޑޭޓްކުރީ