މިއަދުގެ ސަން ބަދިގެ ސެގްމެންޓްގައި ގެނެސްދޭނީ ދިވެހީންގެ މެދުގައި ވެސް މިހާރު ވަރަށް މަގުބޫލު ފަތްޕިލާވެލީގެ ބާވަތެއް ކަމަށްވާ ސްޕިނެޗްގައި ތައްޔާރުކޮށްލެވޭނެ ބާވަތެކެވެ. ބޭނުން ވާތަކެތި 500 ގްރާމް ސްޕިނެޗް (ފެނު ކައްކައިފައި) 260 ގްރާމް ކަންނެލި މަސް (ތުނިކޮށް ކޮށައިފައި) 300 ގްރާމް ކެރެޓް (ރީތި ގޮތަކަށް ކޮށައިފައި) 04 ލޮނުމެދު ( ޗޮޕްކޮށްފައި) 08 ސައިސަމުސާ އޮއިސްޓާ ސޯސް 4/1 ސައިސަމުސާ އަސޭމިރުސް 03 މޭޒުމަތީސަމުސާ އޮލިވް އޮއިލް ތައްޔާރުކުރާނެގޮތް ތަވާއެއްގެ ތެރެއަށް ތެޔޮފޮދު އަޅައި ހޫނުކޮށްލުމަށްފަހު ލޮނުމެދު އަޅައިފައި ކުޑަކޮށް ވަޅޯކޮށްލާނީއެވެ. އެއަށްފަހު ކޮށާފައި ހުރި މަސްކޮޅު އަޅައި އެއްކޮށްލުމަށްފަހު މަސް ކޮޅު ރޯފިލުވާލާނީއެވެ. ދެން، ރަހަލާވަރަށް އަސޭމިރުސްކޮޅެއް ލުމަށްފަހު މަސްތައް އެއްކޮށްލާނީއެވެ. އަދި، ކޮށާފައި ހުރި ކެރެޓު އަޅާފައި މަސްކޮޅު ރަނގަޅަށް ރޯފިލުމުން އޮއިސްޓާ ސޯސްގެ އެއް ބަޔާއި، ސޯޔާ ސޯސް އަދި ސްޕިނެޗް ފަތްކޮޅު އަޅާލުމަށްފަހު އެއްކޮށްލާށެވެ. ދެން ކުޑަ ފެންފޮދެއް އަޅާލުމަށްފަހު ރަނގަޅަށް އެއްކޮށްފައި އުނދުން ނިވާލާށެވެ. މަސް ކޮޅު ރޯފިލުމުން ސްޕިނެޗާއި ކެރެޓްކޮޅު އަޅައި އެއްކޮށްލާފައި އޮއިސްޓާ ސޯހާއި އަސޭމިރުހާއެކު ކުޑަފެންފޮދެން އެޅުމަށްފަހު ރަގަނޅަށް އެއްކޮށްލާށެވެ. އަދި ހުރިހާ އެއްޗެއް ރަގަނޅައް ކައްކާލާނީއެވެ. މި ތައްޔާރުކުރެވުނު ސްޕިނެޗް ވިތު ފިޝް އަކީ ގާލިކް ރައިސް ނުވަތަ ތަރުކާރީ ބަތާ އެކު ވެސް ކާލަން ވަރަށް މީރު ބާވަތެކެވެ.