ވޯލްޑް ޓޫރިޒަމް އެވޯޑް (ޑަބްލިއުޓީއޭ) ގެ އެންމެ ޝަރަފުވެރި އެވޯޑް، "ވޯލްޑްސް ލީޑިން ޑެސްޓިނޭޝަން" އެވޯޑް ރާއްޖެ އަށް ލިބިއްޖެ އެވެ.
މިއީ ރާއްޖެ އިން މި އެވޯޑް ޖެހިޖެހިގެން ހޯދި ފަސް ވަނަ ފަހަރެވެ.
ރާއްޖޭން އެ އެވޯޑު ހޯދީ ދުބާއީ، އޮސްޓްރޭލިއާ، ގްރީސް، ސްޕެއިން، ވިއެޓްނާމް، އިންޑޮނީޝިއާ، އެމެރިކާ އަދި ޖެމެއިކާ ފަދަ ގައުމުތަކާއި ވާދަކޮށްގެންނެވެ.
ވޯލްޑު ޓުރެވެލް އެވޯޑްސްގައި ރާއްޖެ އިން ވަނީ އިތުރު އެވޯޑުތަކެއް ވެސް ހާސިލުކޮށްފަ އެވެ. އެގޮތުން ވޯލްޑު ގްރީން ޑެސްޓިނޭޝަން އެވޯޑު ރާއްޖެ އަށް ވަނީ ލިބިފަ އެވެ. މިއީ މި އެވޯޑު ރާއްޖެ އަށް ލިބުނު ފުރަތަމަ ފަހަރެވެ.
ޓްރެވެލް އެވޯޑްސް އަކީ 1993 އިން ފެށިގެން ދުނިޔޭގެ ފަތުރުވެރިކަމުގެ ދާއިރާގައި ހަރަކާތްތެރިވާ ފަރާތްތަކުގެ އަގު ވަޒަންކުރުމުގައި ފާހަގަކޮށްލެވޭ މުހިންމު އެވޯޑެކެވެ.