ސްނޯކްލިންއަށް ދިޔަ ފަތުރުވެރިއަކު ގެއްލިގެން ހޯދުމުގެ މަސައްކަތް އެމްއެންޑީއެފް ކޯސްޓު ގާޑުން މިއަދު ފަށައިފިއެވެ.އެމްއެންޑީއެފްގެ ރަސްމީ އެކްސް އެކައުންޓުން ކުރި ޕޯސްޓެއްގައި ބުނީ ގެއްލުނު ފަތުރުވެރިޔާ ހޯދުމަށް އެމްއެންޑީއެފް މާލެ އޭރިއާ ކޮމާންޑް، ކޯސްޓްގާޑް ސެކަންޑް ސްކޮޑްރަންއިން މަސައްކަތް ކުރަމުންދާ ކަމަށެވެ.ފަތުރުވެރިން ހިމެނޭ ކަނޑުމަތީގެ ހިތާމަވެރި ހާދިސާތައް ހިނގާ މިންވަރު އަންނަނީ އިތުރުވަމުންނެެވެ. ޚާއްސަކޮށް ޑައިވިން ނުވަތަ ސްނޯކްލިންއަށް ގޮސް އުޅުމުގެ ތެރޭ ދިމާވި ގިނަ ހާދިސާތަކުގައި މިފަހުން ފަތުރުވެރިންގެ ފުރާނަ ވަނީ ގެއްލިފައެވެ.