ހަނގުރާމައިގެ އަސްލު ނަޞްރު ބިނާވަނީ އީމާންކަމާއި ކެތްތެރިކަމުގެ މައްޗަށްކަމަށް މިއަދުގެ ހުކުރު ޚުތުބާގައި ބުނެފިއެވެ.
ހުކުރު ޚުތުބާގެ މިއަދުގެ މައުޟޫއުއަކީ "ޣައްޒާގެ ރައްޔިތުންގެ ކާމިޔާބީ" މިއެވެ.
"މި ހަނގުރާމަ ހުއްޓައިލުމަށް ސަހްޔޫނީ ނިޒާމަށް މަޖްބޫރުވީ ދެން އެހެން އެއްވެސް ގޮތެއް ނެތިގެންނެވެ. މިއީ ހަމަކަށަވަރުން ޣައްޒާގެ ރައްޔިތުންނަށް ލިބުނު މަތިވެރި ނަސްރެކެވެ." ހުކުރު ޚުތުބާގައި ބުނެފައިވެއެވެ.
"ޣައްޒާގެ ރައްޔިތުންނަށް ލިބުނު ނަޞްރުގެ ފަހަތުގައި ވަނީ އީމާންކަމާއި ހިތްވަރާއި ކެތްތެރިކަމާއި އުޚުއްވަތްތެރިކަމާއި ނުގުޑާ ފަދަ އަޒުމެއްގައި ބަދަހިކަމާއިއެކު ތިބެ ﷲއަށް ވަކީލުކޮށްގެން ކުރި ވަރުގަދަ ހަނގުރާމައެވެ." ޚުތުބާގައި ބުނެފައިވެއެވެ.
މާތް ﷲ ވަހީކުރެއްވި ބަސްފުޅެއްގެ މާނާގައިވަނީ: "އަދި އެތަކެއްޗަށް ލޯބި ހުރުމާއެކުވެސް މިސްކީނުންނާއި ޔަތީމުންނާއި ހައްޔަރުވެފައުވާ މީހުންނަށް އެއުރެން ކާތަކެތި ކާންދެތެވެ."
އެގޮތުން އެންމެ ފުރަތަމަ އިބުރަތަކީ ﷲއަށް ނަސްރުދޭ ބަޔަކަށް ﷲ ނަސްރުދެއްވާނެކަންކަމަށް ޚުތުބާގައި ބުނެފައިވެއެވެ.