ދަ ޑިމޮކްރެޓްސްގެ ހުސްވެފައިވާ ރައީސްކަމުގެ މަގާމަށް އެ ޕާޓީގެ ސްޕޯކްސްޕާސަންގެ މަގާމުގައި ހުންނެވި އިމްތިޔާޒް ފަހުމީ (އިންތި) ކުރިމަތިލައްވައިފި އެވެ.
ޑިމޮކްރެޓްސްގެ ރައީސްކަމަށް ކުރިމަލެއްވިކަން އިންތި އިއުލާނު ކުރެއްވީ އޭނާއަށް ތާއީދު ކޮށްދެއްވުމަށް އެދި އެކްސްގައި ކުރެއްވި ޕޯސްޓެއްގަ އެވެ.
"ދަ ޑިމޮކްރެޓްސްގެ މިވަގުތު ހުސްވެފައިވާ ރައީސްކަމުގެ މަގާމަށް އަޅުގަނޑު ކުރިމަތިލުމަށް ހުށަހަޅައިފިން، އެއާއެކު ޕާޓީގެ ސްޕޯކްސްޕާރސަންކަމުން އިސްތިއުފާދީފިން،" އެކްސްގައި އިންތި ކުރެއްވި ޕޯސްޓުގައި ވިދާޅުވި އެވެ.
ޑިމޮކްރެޓްސްގެ ރައީސްގެ މަގާމު ހުސްވީ އެ މަގާމުގައި ހުރި ހަސަން ލަތީފް އިސްތިއުފާ ދެއްވުމަށް ފަހު، އެމްޑީޕީއަށް ސޮއިކުރުމާ ގުޅިގެންނެވެ.
ޑިމޮކްރެޓްސްގެ ރައީސްކަމުގެ އިތުރުން އެ ޕާޓީގެ ނައިބު ރައީސްކަމުގެ މަގާމު ވެސް ވަނީ ހުސްވެފަ އެވެ.
އެ ދެ މަގާމަށް ކުރިމަތިލުމުގެ ފުރުސަތު ޑިމޮކްރެޓްސްއިން ވަނީ މިމަހުގެ 23 އާ ހަމައަށް ހުޅުވާލައިފަ އެވެ. އެ މަގާމުތަކަށް މީހުން އިންތިހާބު ކުރުމަށް ބާއްވާ އިންތިހާބު އޮންނާނީ ފެބްރުއަރީ 15، ގަ އެވެ.