މިއަދުގެ ސަން ބަދިގެ ސެގްމެންޓް ހާއްސަކޮށްލާނީ ދިވެހީންގެ މެދުގައި ވަރަށް މަގުބޫލު ފަރު މަހުގެ ބާވަތަކުން ތައްޔާރުކުރެވޭނެ ކެއުމަކަށެވެ. އެއީ ވަރަށް ހެޔޮ އަގުގައި ލިބެން ހުންނަ ވަރަށް ގިނަ ބަޔަކަށް މީރު މަހެއް ކަމަށްވާ މުށި މަހުގައި ކިރުގަރުދިޔަ ތައްޔާރުކޮށްލާނެ ގޮތެވެ. ބޭނުންވާނެ ތަކެތި މުށި މަސް (ސާފުކޮށްފައި ރިހަޔަށް ކޮށާގޮތަށް ކޮށާލާފައި) ދިރި (މުގުރާފައި ހުރި) ލޮނުމެދު ފިޔާ (ހިމަ ދިގުކޮށް ކޮށާފައި) ހިކި މިރުސް އަދި ގިތެޔޮ މިރުސް ހިކަނދިފަތް/ރާނބާފަތް ފެން ކިރު ބޯކިރު ރީނދޫ ލޮނު ތައްޔާރުކުރާނެގޮތް ފިޔާ، ލޮނުމެދު، ހިކި މިރުސް، ގިތެޔޮ މިރުސް، ދިރި، ރީނދޫ އަދި ބާކީ ދެންހުރި ބައިތައް ފެންކިރާ އެއްކޮށްލުމަށްފަހު އޭގެތެރެއަށް ކޮށާފައިހުރި މުށި މަސްކޮޅު އަޅާފައި ރަނގަޅަށް ކައްކަން އުދާލާށެވެ. ރަނގަޅަށް ކެކި ރޯފިލަން ފެށުމުން ރަހަ ހެޔޮވަރުކޮށްލުމަށްފަހު ބޯކިރު ކޮޅެއް އަޅާލާފައި އުނދުން ނިއްވާލާށެވެ. މިއީ ވަރަށް ފަސޭހައި މާބޮޑު މަސައްކަތަކާ ނުލާ ތައްޔާރުކޮށްލެވޭނެ ރިހައިގެ ބާވަތެކެވެ. މި ކިރުގަރުދިޔަ ބަތާއި ރޮށްޓާއެކު ވެސް ކެވިދާނެއެވެ.