އދ.މާމިގިލީ ގެއަކުން ވަގަށް ނަގާފައިވާ ކަރަންޓު ސާމާނުތަކެއް ހޯދައި މީހަކު ފުލުހުންގެ ބެލުމުގެ ދަށަށް ގެނެސްފިއެވެ.
މި މައްސަލާގައި ފުލުހުންގެ ބެލުމުގެ ދަށަށް ގެނެސްފައިވަނީ 30 އަހަރުގެ ދިވެހި ފިރިހެނެކެވެ.
މި މީހާ ފުލުހުންގެ ބެލުމުގެ ދަށަށް ގެނެސްފައިވަނީ އދ.މާމިގިލި ޕޮލިސް ސްޓޭޝަނަށް ހުށަހެޅުނު ވައްކަމުގެ މައްސަލައަކާ ގުޅިގެން 2016 މެއި 15 ވަނަ ދުވަހުގެ 16:16 ހާއިރު ކޯޓުއަމުރެއްގެ ދަށުންކަމަށް ފުލުުހުން ބުނެއެވެ.
ވަގަށް ނަގާފައިވާކަމަށް ބެލެވޭ ކަރަންޓް ސާމާނުތަކުގެ ތެރެއިން ސާރކިއުލާރސޯ އާއިި ކަރަންޓް ބުރުމާއަކާއި ކަރަންޓް ރޮންދާ ފެނިފައިވަނީ އެހެން މީހަކަށް އެތަކެތި ވިއްކާލާފައިވަނިކޮށްކަމަށާ ވަގަށް ނަގާފައިވާ ތަކެތީގެ ތެރެއިން ކަރަންޓް ކީސް ފެނިފައިވަނީ މާމިގިލި ފަޅު ގޯއްޗެއްގެ ތެރެއިންކަމަށް ފުލުހުން ބުނެއެވެ.
މި މައްސަލާގައި ފުލުހުންގެ ބެލުމުގެ ދަަށަށް ގެނެސްފައިވާ މީހައަކީ ވައްކަމާއި މަސްތުވާތަކެތީގެ މައްސަލަތަކުގެ ރެކޯޑްސް އޮންނަ މީހެކެވެ. އަދި މިމީހާގެ ބަންދާމެދު ގޮތެއް ނިންމުމަށް އދ.މަހިބަދޫ މެޖިސްޓްރޭޓް ކޯޓަށް ހާޒިރުކުރުމުން ވަނީ މިނިސްޓްރީ އޮފް ހޯމް އެފެއާޒުން ކަނޑައަޅާ ތަނެއްގައި ބަންދުގައި ބަހައްޓައިގެން ތަޙްޤީގު ކުރިއަށް ގެންދިއުމަށް 15 ދުވަހުގެ މުއްދަތެއް ދީފައިވެއެވެ.
މި މައްސަލަ އދ.މާމިގިލީ ޕޮލިސް ސްޓޭޝަނުން ދަނީ ތަހުގީގް ކުރަމުންނެވެ.