ފުލުހުން އެ މީހާ ހޯދަމުން އަންނަނީ ވިލިމާލެ ޕޮލިސް ސްޓޭޝަނުން ތަހުގީގު ކުރަމުންދާ މައްސަލައެއްގައި ކަމަށާއި އޭނާ ވަނީ މިދިޔަ އަހަރުގެ ޑިސެންބަރު 27 ވަނަ ދުވަހުގެ ވަގުތެއްގައި ވިލިމާލޭގައި ހުންނަ ސިމިނީ މާޓް ފިހާރައިން ވިޔަފާރިކުރުމަށްފަހު ފައިސާ ޓްރާންސްފަރކުރިކަމުގެ ސައްހަނޫން ޓްރާންސްފާ ސްލިޕެއް ފޮނުވާފައި ކަމަށް ފުލުހުން ބުނެއެވެ.
ސްލިޕް ފޮނުވި މީހަކީ ކާކުކަން ދެނެގަނެވިފައިނުވާ ކަމަށާއި އެހެންވެ އޭނާ ހޯދިފައިނުވާ ކަމަށް ފުލުހުން ބުނެފައިވެއެވެ.
ފުލުހުން އާންމު ކޮށްފައިވާ ވީޑިއޯ އިން ފެންނަ މީހާ އާއި ބެހޭ އެއްވެސް މައުލޫމާތެއް ލިބިފައިވާ ފަރާތެއްވާނަމަ އެމައުލޫމާތެއް ވިލިމާލެ ޕޮލިސްގެ ނަންބަރު 9833000 އަށް ގުޅައި ހިއްސާކުރުމަށް ފުލުހުން އެދިފައިވެއެވެ.