ޢުމްރާގެ އަޅުކަމަށް މައްކާއަށް ގޮސް އުޅެނިކޮށް ގެއްލުނު ޏ. ފުވައްމުލައް / ސްޓެއްލާ، ޢުމުރުން 63 އަހަރުގެ ހުސެއިން މުހައްމަދު ދީދީ ފެނިއްޖެއެވެ.
އޭނާ އުމްރާއަށް ދިޔައީ ޔަލަމްލަމް ހައްޖު އެންޑް އުމްރާ ގުރޫޕްގެ ހަވާލުގައެވެ. އެ ގްރޫޕުން ބުނީ، މިހާރު ހުސައިން މުހައްމަދު ދީދީ ފެނިފައިވާ ކަމަށާއި، އޭނާގެ ހާލު ރަނގަޅު ކަމަށެވެ. އޭނާ ހޯދުމަށް މަސައްކަތް ކޮށްދިން އެންމެންނަށާއި އަދި ހެޔޮދުއާކޮށްދިން މީހުނަށް ޔަލަމްލަމްއިން ވަނީ ޝުކުރު އަދާކޮށްފައެވެ.
މުހައްމަދަކީ ޔަލަމްލަމް ގްރޫޕުގެ ހަވާލުގައި އިއްޔެ މެންދުރުފަހު ސައުދީ ފްލައިޓު SV839އިން ދަތުރުކުރި އުމްރާވެރިންގެ ތެރޭގައި ހިމެނޭ މީހެކެވެ/ އުމްރާގެ އަޅުކަން ފުރިހަމަ ކުރުމަށް ސަޢީ ކުރަނިކޮށް މުހައްމަދު އާއިލާއާ ވަކިވެ ގެއްލުނީއެވެ.
ހުސެއިން ގެއްލުނު އިރު ހުރީ އިހުރާމުގައެވެ. އަދި އޭނާގެ ކަރުގައި ޖަމާއަތުގެ ފާސް ވެސް އަޅާފައިއޮތެވެ.
އޭނާ މިހާރު ފެނިފައިވާއިރު، ހައްޖާއި އުމްރާގެ އަޅުކަމަށް ގޮސް އުޅުމުގެ ތެރޭގައި މީހުން ގެއްލުމުގެ ހާދިސާތައް ދޭތެރެ ދޭތެރެއަކުން ހިނގައެވެ.