މިފަހަކަށް އައިސް މާލޭގައި މަގުތިވާ މީހުންނަށް ގިނަވަމުންދާތީ އެފަދަ ފަރާތްތަކަށް އަލުން ވަގުތީ ހިޔާ ހަމަޖައްސައި ދޭން ނިންމައިފިއެވެ.
ޖެންޑާ މިނިސްޓަރު އައިޝަތު މުހައްމަދު ދީދީ މިއަދު ކުރެއްވި ޓްވީޓެއްގައި ވިދާޅުވީ ކޮވިޑް-19 އާއި ގުޅިގެން މިދިޔަ އޭޕްރީލް މަހު މާލޭގައި އިއުލާންކުރި ލޮކްޑައުންއާ ގުޅިގެން މަގުމަތިވި 500 އަށް ވުރެ ގިނަ ފަރާތްތަކަށް ބޯހިޔާވަހިކަމާއި ކާބޯތަކެތި ސަރުކާރުން ފޯރުކޮށްދިން ކަމަށެވެ.
ނަމަވެސް އެ މަސައްކަތް ސަރުކާރުން މިދިޔަ އޯގަސްޓު މަހުން ފެށިގެން ހުއްޓާލިއިރު، މިނިސްޓަރު ވަނީ މާލޭގައި މަގުމަތިވާ މީހުންގެ އަދަދު ގިނަވަމުންދާތީ ގިނަ ބަޔަކު ކަންބޮޑުވުން ފާޅުކުރަމުންދާ ކަމަށެވެ.
އެގޮތުން ހޯމް މިނިސްޓްރީއާ ގުޅިގެން މާލޭގައި މަގުމަތިވެފައިވާ މީހުންނަށް ބޯހިޔާވަހިކަން ފޯރުކޮށްދިނުމުގެ މަސައްކަތް އަލުން ކުރިއަށްގެންދާނެ ކަމަށް މިނިސްޓަރު ވިދާޅުވިއެވެ.
އަދި އެންސްޕާއާ ގުޅިގެން ވަޒީފާ ގެއްލިފައިވާ ކުޑަކުދިން ތިބި އާއިލާތަކަށް އެހީތެރިކަން ފޯރުކޮށްދިނުމަށްވެސް މަސައްކަތްކުރަމުންދާކަމަށް އައިޝާ ވިދާޅުވިއެވެ.