ހަމާސްއާއި އެކު ކުރަމުންދާ ހަނގުރާމައިގައި ލިބެމުންދާ ނާކާމިޔާބީއާއި އެކު އިސްރާއީލުގެ އަސްކަރީ އިންޓެލިޖެންސްގެ ވެރިޔާ، މޭޖަރ ޖެނެރަލް އަހަރޮން ހަލިވާ އިސްތިއުފާ ދީފިއެވެ.
ރިޕޯޓްތަކުން ބުނާ ގޮތުގައި އޭނާ އިސްތިއުފާ ދީފައިވަނީ މިދިޔަ އޮކްޓޯބަރު މަހުގެ 7 ވަނަ ދުވަހުގެ ފަލަސްތީނުގެ މިނިވަން ކަމަށް މަސައްކަތް ކުރާ ހަމާސް ޖަމާއަތުން އިސްރާއީލަށް ދިން ހަމަލާއާއި ގުޅިގެން އޭނާގެ މަސްއޫލިއްޔަތު އަދާ ނުކުރެވި ފެއިލްވެފައިވާތީއެވެ.
މިދޔަ އަހަރުގެ އޮކްޓޯބަރު މަހުގެ 7 ވަނަ ދުވަހުން ފެށިގެން މެދުކެނޑުމެއްނެތި ޣައްޒާއަށް އިސްރާއީލުން ހަމަލާ ދެމުންދާއިރުވެސް އިސްރާއީލަށް ހަމާސްގެ މައްޗަށް އެކަށީގެންވާ ކާމިޔާބީއެއް ލިބެމުން ނުދާކަމަށް ޚުދު އިސްރާއީލުންވެސް ވަނީ އެއްބަސްވެފައެވެ.