ތުރުކީވިލާތުގެ ސްކީ ރިސޯޓެއްގައި ރޯވެ 66 މީހުން މަރުވެއްޖެއެވެ.
ތުރުކީވިލާތުގެ ބޯލޫ ފަރުބަދަ ސަރަޙައްދުގައި ހުންނަ ކާރްޓަލްކަޔާ ރިސޯޓުގައި އަލިފާން ރޯވީ ފަތިހުގެ ވަގުތެއްގައެވެ. އެ ރިސޯޓުގެ ގްރޭންޑް ކާޓަލް ހޮޓެލުގައި ހުރި ރެސްޓޯރަންޓެއްގައި ރޯވި އަލިފާންގަނޑު ފެތުރެން ފެށުމުން 11 ފަންގިފިލާގެ އެ ހޮޓަލުގެ ކޮޓަރިތަކުގައި ތިބި ބައެއް މީހުން ވަނީ އަލިފާނުން ސަލާމަތްވުމަށްޓަކައި ކުޑަދޮރުތަކުން ބޭރަށް ފުުއްމާފައެވެ. އަލިފާންގަނޑު ނިއްވައިލުމުގެ މަސައްކަތް ފެށިފައި ވަނީ ހުޅުގަނޑު ރޯވި ކަން ރިޕޯޓު ކުރިތާ 45 މިނެޓު ފަހުންނެވެ.
އަލިފާނުގެ ހާދިޘާ ހިނގި އިރު އެ ހޮޓަލުގެ ކޮޓަރިތަކުގައި 234 މީހުން ތިއްބެވެ. އެ ހާދިޘާގައި މިހާތަށް 51 މީހަކަށް އެކި ވަރުގެ އަނިޔާ ލިބިފައިވާ ކަމަށް ތުުރުކީވިލާތުގެ ޞިއްޙީ ވަޒީރު ކަމާލް މެމިސޮގްލު ވިދާޅުވިއެވެ. ރިސޯޓުގައި ރޯވި ހުޅުގަނޑު މިހާރު ވަނީ ނިއްވާލައިފައެވެ. އަދި ހާދިޘާ މެދުވެރިވި ސަބަބު މިހާރު ދަނީ ތަހުޤީޤު ކުރަމުންނެވެ.