މިސާލެއްގެ ގޮތުން ޝުޖާއު ފާހަގަކުރެއްވީ، ސިޓީ ކައުންސިލްތަކުގެ އޮނިގަނޑުގައި ގާނޫނީ ވަކީލުންނާއި، ސާވޭއަރުންނާއި، ކުރެހުންތައް އެޕްރޫވްކުރާނެ ފަންނީ ބޭފުޅުން ތިއްބެވި ނަމަވެސް، ރަށްރަށުގެ ކައުންސިލްތަކުގައި އެ ފުރުސަތު ނެތް ކަމެވެ.
ޝުޖާއު އިތުރަށް ވިދާޅުވީ، ރަށްރަށުގެ ކައުންސިލްތަކުގެ ސްޓްރަކްޗަރއަށް ގެންނަންޖެހޭ މިފަދަ ހެޔޮ ބަދަލުތަކަކީ މިހާރުން މިހާރަށް ބޭނުންވެފައިވާ ކަންކަން ކަމަށާއި، ސަރުކާރުގެ އަމާޒަކީ ކައުންސިލްތައް ބާރުވެރިކުރުވައި، ރަށްރަށުގެ ހިންގުން ހަރުދަނާކުރުން ކަމަށެވެ. އަދި މި މަޖިލީހުން އެކަން ކުރާނެކަމަށްވެސް އޭނާ ވިދާޅުވިއެވެ.