ބްރޯޑްކާސްޓިން ކޮމިޝަންގެ ރައީސް ކަމަށް އެ ކޮމިޝަނުގެ މެންބަރު ޞަފާ ޝަފީގު މިއަދު އައްޔަންކޮށްފިއެވެ.
ސަފާ ރައީސްކަމަށް އައްޔަންކޮށްފައިވަނީ މިއަދު އެކޮމިޝަނުގައި ބޭއްވި ބައްދަލުވުމެއްގައެވެ. މި ބައްދަލުވުމަށް ހާޒިރުވި ހުރިހާ މެންބަރުން ވަނީ ރައީސްކަމަށް ސަފާ އައްޔަންކުރަން ވޯޓުދީފައެވެ.
ބްރޯޑްކޮމްގެ ރައީސްގެ މަގާމު ހުސްވީ މިދިޔަ ޑިސެމްބަރު މަހުގެ ފަސްވަނަ ދުވަހުއެވެ. ބްރޯޑްކޮމްގެ ރައީސްގެ މަޤާމު ހުސްވީ އެމަޤާމުގައި ހުންނެވި މަރިޔަމް ވަހީދާގެ ދައުރު ހަމަވުމުންނެވެ.
ބްރޯޑްކޮމްގެ މެންބަރުކަމަށް ޞަފާ އައްޔަންކޮށްފައިވަނީ 2023 ވަނައަހަރުގެ މެއިމަހުގެ ތެރޭގައެވެ.
ދާފިފަހުން މަޖިލީހުން ވަނީ އިހަވަންދޫ ދާއިރާގެ ކުރީގެ މެމްބަރު މުހައްމަދު އަބްދުﷲ (މުހަންމާ)އާއި ބްރޯޑްކޮމްގެ ކުރީގެ މެންބަރު އާމިނަތު ސަރާހަތު އިއްޒަތު ސިދުގީ ބްރޯޑްކޮމްގެ މެންބަރުކަމަށް އައްޔަންކުރަން ރުހުންދީފައެވެ.