ޤަވާއިދާ ހިލާފަށް ރާއްޖެއިން ބޭރުކުރަން އުޅުނު މިޔަރުމަހާއި މަޑިމަސްތަކެއް އަތުލައިގަނެ ކަސްޓަމަސްއިން އެތަކެތި ނައްތާލައިފިއެވެ.
މިކަމާ ގުޅިގެން މޯލްޑިވްސް ކަސްޓަމްސް ސާވިސްއިން ބުނީ، ރާއްޖެއިން ބޭރުކުރަން އުޅެނިކޮށް ކަސްޓަމްސްއިން ހިފެހެއްޓި މިޔަރާއި މަޑިމަސް ތަކުގައި 582 ކިލޯގެ ބަރުދަން ހުއްޓެވެ. މިތަކެތި ނައްތާލާފައިވަނީ މިމަހުގެ 22 ވަނަ ދުވަހުއެވެ. ފެންނަފެނުމަށް އެތަކެތި ރަާއްޖެއިން ބޭރުކުރަން އުޅުނީ ލޮނުއަޅައި ހިއްކައިގެންނެވެ.
ކަނޑުފަޅުގެ ދިރުންތަކުގެ ތެރެއިން ރާއްޖޭގައި މިޔަރާއި މަޑި ހިމެނެނީ މަސްވެރިކަމުގެ އާއްމު ގަވާއިދުގެ ދަށުން ހިފުމާއި މެރުން މަނައެވެ. މި ބާވަތްތައް ހިމެނެނީ ދުނިޔެއިން ނެތިދާނެކަމުގެ ބިރުހީވާތީވެ، ރައްކާތެރިކުރެވިފައިވާ ދިރުންތަކުގެ ތެރެއިންނެވެ. ނަމަވެސް މީގެ ތެރެއިން މިޔަރު ގިނަވެ، މަސްވެރިކަމުގެ ތެރެއިން ފަރުމަހުގެ މަސްވެރިކަމަށް މިޔަރުގެ އުނދަގޫ ވަރަށް ބޮޑުކަމަށް މަސްވެރިން ޝަކުވާކުރެއެވެ.
Advertisement
އަދި ކުރިން ހުއްދަ ދިންގޮތަށް މިޔަރު ހިފުން ހުއްދަކުރުމަށްވެސް ބައެއް ފަރާތްތަކުން އަންނަނީ ގޮވާލަމުންނެވެ.