"ބިންވެރިޔާ" އާއި "ގެދޮރުވެރިޔާ" ސްކީމްގެ ވަގު މުއާމަލާތްތަކެއްގެ މައްސަލާގައި މާލޭގައި މިއަދު އިޖުތިޖާޖު ކުރަމުން އެބަދެ އެވެ.
މަގުތަކުގައި ހިނގަމުން ކުރިއަށް ގެންދާ މި އިހުތިޖާހުގައި އެކު ކަހަލަ ޝުއޫރުތައް ފާޅުކުރަކުން އަންނަ އިރު، ގޯއްޗާއި ފްލެޓުން ވައްކަންކޮށްފައިވާ ކަމަށް ބުނެ އަޑު އުފުލަމުން ގެންދެ އެވެ. އަދި އެފަދަ އިބާރާތްތައް ލިޔެފައިވާ ބޯޑުތައް ވެސް އިހުތިޖާޖުގެ ބައިވެރިން ބޭނުން ކުރަމުން ގެންދެ އެވެ.
މި އިހުތިޖާޖުގައި ހައުސިން މިނިސްޓަރު އަލީ ހައިދަރާއި ކަމާ ގުޅުން ހުރި އެެހެން ފަރާތްތަކުން އިސްތިއުފާ ވެސް ދިނުމަށް ދަނީ ގޮވައިލަމުންނެވެ.
"ބިންވެރިޔާ" އާއި "ގެދޮރުވެރިޔާ" ސްކީމްގެ ވަގު މުއާމަލާތްތަކެއްގެ މައްސަލަ ފެންމަތިވެ، ފުލުހުންނާއި އޭސީސީން ވެސް މިހާރު އަންނަނީ މިކަމާ ގުޅޭ ތަހުގީގެއް ހިންގަމުންނެވެ. ފުލުހުން ވަނީ ދެ ސްކީމާ ގުޅޭ ގޮތުން ވެސް ތަހުގީގަށް ވެސް ބޭނުން ކުރެވިދާނެ މައުލޫމާތުތައް ހިއްސާކޮށް ދޭން އާންމުންގެ ފަރާތުން އެދިފަ އެވެ.
ބޯހިޔާވަހިކަމުގެ މި ސްކީމްތަކާ ގުޅޭ މައްސަލަތަކެއް ބަލަން ފެށީ "ބިންވެރިޔާ" ގެ ދަށުން ހައްގު ނޫން ބަޔަކަށް އުސޫލުން ބޭރުން އެޗްޑީސީން ގޯތި ދިން މައްސަލައެއް ފެންމަތިވުމާ ގުޅިގެންނެވެ. އެގޮތުން ސަސްޕެންޑްކޮށްފައި ވަނިކޮށް ރޭ މަގާމުން އިސްތިއުފާ ދެއްވި އެޗްޑީސީގެ މެނޭޖިން ޑިރެކްޓަރު ފަޒުލް ރަޝީދުގެ ބޭބެ ފަޒީލް ރަޝީދަށް ނުހައްގުން ހުޅުމާލެ އން ގޯތި ދިން މައްސަލަ ހޫނުވެފައިވެ އެވެ.