ކަރަންޓު ބޭނުން ކުރުމުގައި އިތުރަށް ސަމާލުވުމަށް ސްޓެލްކޯ އިން އިލްތިމާސް ކޮށްފިއެވެ.
އެ ކުންފުނިން ބުނީ މި ހިނގާ އޭޕްރިލް އަދި އަންނަ މެއި މަހަކީ ރާއްޖެއަށް އެންމެ ހޫނުގަދަވާނެ ދުވަސްތައްކަމަށް ކަމާއިބެހޭ އިދާރާތަކުން ލަފާކޮށްފައިވާ ކަމަށެވެ. އަދި މި ދުވަސްތައް ރޯދަމަހައި ދިމާވުމުން ކަރަންޓު ބޭނުންކުރާ މިންވަރު އިތުރުވެފައިވާ ކަމަށެވެ.
އެ ކުންފުނީގެ ތަފާސް ހިސާބުން ދައްކާ ގޮތުގައި އެހެން ދުވަސްތަކާއި ޚިލާފަށް މިދުވަސްވަރު ޖައްވު ހޫނުވުމުގެ ސަބަބުން ރޭގަނޑުގެ ވަގުތުތަކުގައި ވެސް ކަަރަންޓު އުފައްދަން ޖެހޭ މިންވަރު އިތުރުވެފައިވާ ކަމަށް ސްޓެލްކޯ އިން ބުނެއެވެ.
އެހެންކަމުން ކަރަންޓު ބޭނުންކުރުމުގައި އިތުރަށް ސަމާލުވެ، ކަރަންޓު އިގްތިސާދު ކުރުމަށް ޚާއްސަ ސަމާލުކަމެއް ދިނުމަށް ސްޓެލްކޯ އިން ވަނީ އިލްތިމާސް ކޮށްފައެވެ.