ސްޓެލްކޯ އިން ރީޑިން ނުނަގާ ބިލް ބޮޑު ކުރިކަމަށް ބުނާ ވާހަކައަކީ އެއްވެސް އަސާސެއް ނެތް ވާހަކަތަކެއް ކަމަށް އެ ކުންފުނީގެ މެނޭޖިން ޑިރެކްޓަރު އަހުމަދު ޝަރީފް ވިދާޅުވެއްޖެއެވެ.
ޝަރީފް ވިދާޅުވީ ސްޓެލްކޯ އިން އެއްވެސް އިރެއްގައި ބިލާ ބެހޭ ގޮތުން ސައްހަ ނޫން މައުލޫމާތެއް ހާމަކޮށްފައި ނުވާނެ ކަމަށެވެ. އަދި ޓެރިފް ރޭޓަކީ ސްޓެލްކޯއިން ކަނޑައަޅާ ކަމެއް ނޫން ކަމަށާއި ކަރަންޓު ބޭނުން ކުރުމަކީ ވެސް އެ ކުންފުނީގެ ކޮންޓްރޯލް އޮންނަ ކަމެއް ނޫންކަމަށް ޝަރީފް ވަނީ ވިދާޅުވެފައެވެ.
ޝަރީފް ވިދާޅުވީ ސްޓެލްކޯ އާ ބެހޭ ގޮތުން ދައްކަމުން ދަނީ އެއްވެސް އަސާސެއް ނެތް ވާހަކަތަކެއް ކަމަށެވެ.