އެމްޑަބްލިއުއެސްސީއަށް ކަރަންޓް ފޯރުކޮށްދޭން ސްޓެލްކޯއާއެކު އެއްބަސްވުމެއްގައި ސޮއި ކޮށްފިއެވެ.
އިއްޔެ ބޭއްވި ރަސްމިއްޔާތެއްގައި ސްޓެލްކޯގެ ފަރާތުން މިއެއްބަސްވުމުގައި ސޮއި ކުރެއްވީ އެ ކުންފުނީގެ މެނޭޖިން ޑިރެކްޓަރު އަހުމަދު ޝަރީފެވެ. އަދި އެމްޑަބްލިއުއެސްސީގެ ފަރާތުން ސޮއި ކުރެއްވީ އެ ކުންފުނީގެ މެނޭޖިންގ ޑިރެކްޓަރު ހަސަން ޝާހެވެ.
ސްޓްލެކޯއިން ބުނީ އެ ކުންފުނީގެ މެނޭޖްމަންޓުގެ ހަރުދަނާ ސިޔާސަތުތަކާއި، ކެނޑިނޭޅި މުވައްޒަފުން ކުރަމުންދާ ބުރަ މަސައްކަތުގެ ނަތީއްޖާއެއްގެ ގޮތުން، ކުންފުނީގެ ގްރިޑް ސްޓެބިލިޓީ އިތުރުވެފައިވާ ކަމަށެވެ. މީގެ ސަބަބުން، އަމިއްލަ ޖެނެރޭޓަރުސެޓު ބޭނުންކޮށްގެން ކަރަންޓު އުފައްދަމުންގެންދާ ބައެއް ބޮޑެތި ކުންފުނިތަކުން މިހާރު އެ ކުންފުނީގެ ގްރިޑަށް ބަރޯސާވަމުންދާކަން އެ ކުންފުނިން ފާހަގަކުރެއެވެ.
ސްޓެލްކޯއިން ވަނީ މާލެ ސަރަހައްދަށް ދިމާވެފައިވާ ކަރަންޓުގެ މައްސަލަ އަށް ހައްލު ހޯދުމަށް މާލެ އާއި ހުޅުމާލޭގެ އިންޖީނުގެ ކަރަންޓުގެ އެއް ވިއުގައަކުން ގުޅާލާފައެވެ. މިއާއެކު ހަކަތައިގެ ސިނާއަތުގައި އާ ހަރުފަތަކަށް ސްޓެލްކޯއިން ވަނީ ގޮސްފައެވެ.
އެ ކުންފުނިން އަދިވެސް މަސައްކަތް ކުރަނީ ކެޕޭސިޓީ އިތުރުކޮށް ދެމުން އަންނަ ޚިދުމަތްތައް ފުޅާ ކުރުމަށެވެ.