ޕީއެންސީގެ ސެކްރެޓްރީ ޖެނަރަލްގެ މަގާމަށް ޑިފެންސް މިނިސްޓްރީގެ ސްޓޭޓް މިނިސްޓަރު މުއާޒު ހަލީމް އައްޔަންކޮށްފި އެވެ.މި ސަރުކާރުގެ ލޯކަލް ގަވަނަންސް މިނިސްޓަރު އާދަމް ޝަރީފް އުމަރުގެ އަނބިކަނބަލުން ޒީނާޒު ޕީއެންސީގެ އެސްޖީއަކަށް އައްޔަން ކުރެއްވީ މިދިޔަ އަހަރު އެވެ.އަސާސީ ގަވާއިދުގައިވާ ގޮތުން ޕާޓީގެ އިދާރީ ގޮތުން ހިންގަންޖެހޭނީ ޕާޓީގެ ސެކްރެޓަރީ ޖެނެރަލެވެ. އަދި ޕާޓީގެ ސެކްރެޓަރީ ޖެނެރަލަކީ ޕާޓީގެ މެންބަރުންގެ މަޖިލީހުގެ ވެސް މެންބަރެކެވެ.ޒީނާޒު ޕީއެންސީގެ އެސްޖީގެ މަގާމަށް އައްޔަނުކުރީ މެއި 24، 2024 ގަ އެވެ.މުއާޒު އެސްޖީގެ މަގާމަށް އައްޔަންކޮށްފައި މިވަނީ އޮޅުވާލައިގެން ޕީއެންސީ އަށް އެހެން ޕާޓީތަކުގެ މެމްބަރުންތަކެއް ވައްދާފައިވާ ކަމަށް ބުނާ މައްސަލައެއް ފެންމަތިވެފައިވަނިކޮށެވެ. އޭގެތެރޭގައި ރައްޔިތުންގެ މަޖިލީހުގެ އެމްޑީޕީގެ މެންބަރު ހުސެއިން ޒިޔާދު (ފިއްޓޭ) ވެސް ހިމެނެ އެވެ.މި މައްސަލައާ ގުޅިގެން ޕީއެންސީން މިހާތަނަށް އެއްޗެއް ނުބުނެ އެވެ.